المشاكل الثلاثة

مرحبا اختي الدااانه عساج بخير
حبيبتي بالنسبة للنمل جر بي معاهم الخل حطي مكان الفتحات اللي تشوفين يخرجون ويدخلون منه ريحته ما يقدرون عليها حتى لو أمكن تبللين قطعة قماش بالخل وعلى طول مكان تواجدهم

بالنسبة لحواف الكاونتر فيه سيليكون خاااص للمطبخ وخاصة عند المغسلة هو بلاستك قوي جدا ويمنع تسرب الماي منه

بالنسبة للأبواب في ورق صنفرة رخيص جدا متوفر بمحلات البوية او الللي يبيعون الصبغ تحكين به الباب ويطلع ناعم بعدين تصبغين اللون اللي يعجبك دور واحد لحد ما ينشف تالي أبدئي بالور الثاني
طبعا حطي لاصق حوالين الأبواب عشان مايخرب الجدار عندك
اني صبغت ابواب البيت وحطيته بالمنتدى قسم الديكور من فترة طويلة وحبيت احط لك الرابط بس مافتح عندي شوفيه يمكن يفيدك هو في الصفحة رقم 94 بس ان شاء الله تفتح الروابط عندك فيه الشرح مع الصور
موفقة

السلام عليكم أختي بالنسبة للنمل أنا كان معذبني وجربت مبيد اسمه نيوسيدول تلقينه عند أصحاب المشاتل والمزروعات يوضع في علبة الرش ويخفف بالماء ويرش على كل أجزاء البيت الحمامات غرف التفتيش والبالوعات أعزك الله ويترك فترة ريحته شوي قوية لكن تتبخر بسرعة يعني ممكن تحطينه وأنت طالعه بصراحة مايدور لاصرصور ولانملة ولاناموسة ولاضاطور أي حشرة تمر بس مرور تروح فيها اتمنى أكون أفدتك
2- بالنسبة للسليكون مالك الا هذا الحل لأنه يسود لازم يغير بين فترة وفترة وممكن تستعينين بمحلات المطابخ
3- اما بالنسبة لدهان الأبواب فمحلات البويات عندها بويات خاصة بالخشب وألوان متعددة تختارين حسب ذوقك وياإنك تصبغينها أنت إن كان عندك خلفية أو الأفضل تجيبين عامل مختص وتلقينه غالباً عند محلات البوية

سوالف نهار يازين اسمك ما شاء الله

تسلمين يا عسل

مسلمة وافتخر

ما قصرتي يا قلبي

السلام عليكم ورحمة الله وبركاته

النمل

حطي حول المستعمرة بودرة اطفال او ارسمي بالطباشير حد حول المستعمرة

السيليكون

حطي على السيليكون الخربان اي المعفن جف الرشاش وخليه فتره وبعدين تعالي وقشي وشوفي كيف بيطلع لك بكل سهوله