المشاكل اللي تحصل مو بس من الازواج حتى الزوجاات

السلام عليكم ياحوائيات 
كيفكككمم 
عندي مشكله خاصه باخوي وبحكم اني أكبر خواته ومتزوجه فبعد إصرار مني قالها 
المهم اخوي متزوج من تقريبا 9 سنوت وعنده بنتين...
ولما يزور أهلي اخوي استغرب زوجته مو معه كل يوم عذر مره معزومه ومره تعبانه ومره عند أهلها وخصوصا زوجته ماشاء الله علاقتنا بها كويسه وتزور أهلي كثير إلا هالمرة متفاجاة لنا 3 اسابيع وزياده مانشوفها وشكيت بالوضع وسألت اخوي لحالنا فيها شي زوجتك؟! حصل منا شي وبعد إصرار اعترف لي بأن طول هالفتره زوجته عند أهلها متهاوشين وقال بتزوج ثانيه استغربت قلت الموضوع كبير ولا تافهه اكلمها ونحله بإذن الله قال لا اهتمام فيني ولا شي كل وقتها لبناتها!! قلت أجل الموضوع سهل مايحتاج زعل طول هالوقت قال لا فيه غيره وماقدر اقوله لك؟!
المهم بالنهايه فهمت كلمات متقطعه بأنها ماتلبس وتكشخ له وبالعلاقه ماتلبي طلباته خصوصا أنه حلال اللي يطلبه ،وعذرها انها ماتحب وتقرف وغيرهه هذا كأني فهمت المقصد كذا لأنه ماقدر يقولها صريححه لي وأنه كلمها أكثر من مره ومافاد وصرح لها بالزواج يمكن تتغير ولا فاد؟!
و بصراحه بينت له الموضوع مايسوى وبينحل بإذن الله وشيل فكرة الزواج من رأسك وهل قادر تتحمل مسؤولية جديده ويمكن ماتتحقق رغبتك كمان (بحكم اني متزوجه ومارضاها لي بعد)
وقلت بكلمها انا واشوف بس شلون ساعدوني صعبه اقولها عن العلاقه!! ومابي تدري اخوي يشتكي من كذا لاهله علشان مايطيح من عينها لكن ودي اكلمها عن الاهتمام بزوجها لكن ماني عارفهه كيف
و بصراحه اخوي ملتزم ويخاف الله والحمدلله يعني وهي عند أهلها راح لها أكثر من مره وبيحل الموضوع ومايتوصل لشيء لان شايفه أنها مو ع خطأ!؟ وغير كذا يسأل عنها ويدز مسج
يعني مو ناسيها مثل بعض الرجال مايصدق خبر تروح لأهلها وينساها ولايسال 
و ماشاء الله مدللها خرجات وتماشي واسلوبه تمام معاها لكن الله يهديها متاكده انها مو مخطيه وش الحححل
ساعدوني كيف اكلمها