قامت الخادمة بالتحسيس يوميا على العضو الامامي للولد الذي عمره حتى اكتشاف
الامر سنة و سبع شهور فقط وذلك بصورة يومية والله وحده اعلم منذ متى كانت تقوم
بهذا العمل المؤلم كما انها كانت تضربه عليه ضربا مبرحا باصابعها دون ان يهمها
اين تذهب الضربة ( على الفخوذ \ فوق \ تحت) وتضحك ضحك هستيري حتى
اكتشفتها الام عندما تسللت ببطء هذه المرة < كانت الام تشك سابقا وتحاول النظر
كل مرة ولكن الخادمة كانت تغلق الباب عليها وتقول انه يبكي لأنه يريد اللعب بالكريم
تبع الحفاظ وانا ما اخليه... او بالمكواة ... او بالتلفون وهكذا تغطي على نفسها الى
ان كشفها الله تعالى و الحمد لله> و لا نعلم ان كانت تفعل غير هذا كثير!
والغريب ان هذا الولد لا يتكلم حتى هذا العمر,((ابعثوا بحلولكم الله يعافيكم)) فقبل فترة بسيطة استطاع التعبير ( إميه = ماما , ... بابا) كان قبل فترة دائم البكاء من حفاضة وكلما اخذته الخادمة للغسيل يعود متألما يضرب نفسه على الأرض ولا يستطيع التعبير و اهله الآن يشكون أنها السبب في تاخر نطقه و خوفه وامور اخرى نفسية.... الأم الان منهاره من البكاء المتواصل وتتحسر وتدعي عليها ولكنها لم تضربها او تهينها و اكتفت بتانيبها حتى موعد رحيلها عن البيت ( ما قولكم؟)
و اخذت تراقبها و تغسله بنفسها ... العجيب ان الخادمه كانت جيدة المعامله مع الأطفال امامها سبحان الله ... الله يعينها و يصبرها و يشافيه قولوا آمين ولا يتضرر لما يكبر انشاء الله ...
دعواتكم لهم جميعا في صلاتكم اخواتي ... و لا تظلمون الأم المسكينه فهي كانت تمر بظروف نفسية و أهملة قليلا ولكن .... الحمد لله!!!!!!!!

ردوا على رسالتي الله يوفق عيالكم!:24:

بنت الكويت: سويتي عين العقل ومن حسن حظك ماشاء الله ان وقتك يسمح بمراعاتهم طول الوقت ، الله يخليهم لك يارب:26:

حمرة الورد : وانا احي فيك حماسك وردك على الموضوع يعطيك الف عافية

amal-el7elwa : انا مقدر الموقف وهو موقف صعب جداً ،،، انا ماني هذيك الخبرة عشان اعطيك كل الحلول،،،

لكن بحاول على قد مقدر اني اساعدك ،،، اول شي هالخادمه المفروض انها ماتبقا بالبيت ولا يوم واحد يايودونها

سفارتها تشوف لها حل فيها او يرجعونها للمكتب او انهم يرفعون عليها قضية انها تحرشت بولدهم عشان لاترجع عند

عايلة ثانية وتسوي نفس اللي كانت تسويه ،،، لازم تاخذ جزائها ،،، وبالنسبة للولد الحمدلله انه صغير بالعمر ولما

يكبر ماراح يتذكر هالاشياء وكونه مايتكلم في هالعمر عادي جداً لان الولد يتاخر بالكلام اكثر من البنت انا اعرف

وحدة ولدها عمره ثلاث سنوات مايتكلم ابداً حتى ماما وبابا كان يقولها مدة وامتنع عنها بس يقول نانا اذا بغا حليب

وعرضته امه على طبيب نفسي فحص الولد وقالها مافيه شي بس تأخر كلام وعودوه على الكلام شوية شوية ،،،

واعتقد بالنسبة للمشكله اللي طرحتيها المفروض الام تعرضه على طبيب نفسي للاطمئنان عليه وتحكي له اللي صار

بالضبط وتحاول في هالفترة تعوضه بالحنان والعطف اللازم وتلعب معاه على قد ماتقدر ... وبأذن الله بتتخطى المشكله

سنفورة الحلوة صج انك حلوة علشان جذيه رديتي علاي

الحين لما يسالونها ليش سويتي جذيه تحلف الف حلف وتقول ما سويت شيء
و الأم تستغفر و تقول يمكن انا ما شفتها عدل ... ولكن الولد بالليل يحلم و يصرخ و يقول
( بواه= الم) وينام على بطنه و يدز جسمه لتحت ... وينادي امه وهي تسهر جمبه وتحاول تفسر الكلام اللي يقوله في الحلم ... حتى لا تظلمها و تقطع رزقها...... وايد على نياتها ....
امس الأم ما نامت حتى ثاني يوم الساعه 10 الصبح ... ترجع تتذكر الأحداث القديمه وتربط شيء بآخر وتلوم نفسها ... مشاعر الانتقام تحيط بها و تتعوذ بالله حتى لا تظربها قبل ان ترحل

وزوجها لم يفعل للخادمة شيء .. يستحي من المواجهه معها حول هذا الموضوع المخجل و لا يريد التورط بمشروع جلب خادمه جديدة ( يحتاجونها بسبب الدوامات)

ماتدرين كيف عورتي قلبي على الولد والله لو الخدامه عندي ماسكت عنها لا وخايفه لاتقطع رزقها ولا خايفه ماتبي تجيب خدامه ثانيه والله كثير حريم يدرون بفعايل الخدامات لكن يخلونهم واذا قلتي لها قالت لج شاسوي مريحتني والله اني قلبي يعتصر على الولد لان ولدي بسنه .......صحيح خدامته تبدل له الحفاظ لكن ادخل دايما عليها على غفله ماخليها لحالها واذا شفتها تاخرت اروح لها افاجاها ...ماحسسها بالامان غير اني حامل بالسادس الان ومماقدر ابدل للولد صدقيني لو كان في متابعه اول باول ماكانت تقدر الخدامه تسوي هذا كله هذا معناه ان الخدامه عندها الامان ان محد راح يشوفها وهذا دليل ان على طول عندها ومحد بالبيت ...
ارجوك قولي لامه تراجع طبيب بدال ماتخلي الولد يتعذب كذا وديها حق طبيب مختص بالاول مو طبيب نفسي...يكشف عليه من تحت يمكن فيه شي الام ماتدري عنه ..
وارجوج طمنينا عليه ارجوج :(