المشاكل وراي مااخلص منها

صباح الخير
كيفكم عساكم بخير
ببدى بمشكلتي فتحت المنتدى البارح وكنت بنزل الموضوع بعدين هونت قلت ان شاء الله ينحل وبهدى بس اشوف كل مال الامور تتعقد زياده
زوجي متقاعد من سنين وقاعد على قلبي لايطلع مع احد ولايروح عند احد اذا كان بيصحى وبيفطر مايبغاني اكون موجوده وقت اكله عشان ياكل بأريحيه مع اني نحيفه واكلي مو كثير والله مرات اصحى واجلس على جوالي بغرفتي لان ادري اذا طلعت وشافني بيتضايق مني ياكل ويشبع ويخليني بجوعي عادي عنده اخرتها امس جوعانه من الصباح للمغرب يرفض يخليني اسوي غدا يقول خليه عشا واذا ماسويت يزعل ويدخل المطبخ هو واعطى عيالي معاه بعدين قفل الغاز وانا كنت بغرفتي صحيت قالي ارجعي نامي ولاكان فيني نوم بس دخلت كذا قمت دايخه من الجوع والتعب حسبي الله
بعدها صارحته قلت ياخي خلاص فك عن وجهي شوي مو معقوله كل وقت معانا خلاص زهقت اعطني وقتي قام زعل وحالته حاله مع ان يحقلي يعطيني وقتي مرات يكون عندي شغل وتنضيف مااقدر اسوي شي جاب الذبيحه البارح يهاوش وكسر مواعيني وانا واقفه معاه اساعده بتوزيع اللحم عشان يقهرني يوسخ المطبخ وعدم الدنيا احس ذلني والبارح طلع ونام بالمجلس الي برا طلعت عنده واعتذرت قلت خلاص يالله ادخل جوى لاتنام هنا وحقك علي اسفه قالي خلاص دقيقتين واجي ولاجا دخل الصباح سويت فطور ابوه دخل اخذه معصب ولايكلمني ونظراته لي حقد وكره تخوف اول مره اشوفه بهالشكل وانا من قبلها متضايقه يقعد بالشهر مايجيني الا مره ماتشوفون هذا تقصير بحقي! على ان مو ناقصني شي انظف وارتب منه بمليون مره بس اتروش واتعطر واستشور واضبط نفسي تعبت مايبادر ولايجي تغير مره معاي من هالناحيه ومن كل النواحي ياربي انا الغلط مني لما قلت اطلع شوي عشان اخذ راحتي ولاايش
كل تصرفاته تدل على انه مايبيني ويكذب علي اذا صار راضي بس اليوم شفت الحقد والنظرات فجعني وكرهت نفسي هو السبب بكل شي انا قاعده انضغط وساكته وهو مايحس ولايفهم يكفي حتى الاجازه حابسنا بالبيت ولانشوف احد يحقلي ازعل لكن هذا النرجسي لازم يقلب الطاوله علي ويطلعني انا غلطانه 😔
وبسألكم حتى لو صار شي لو مره احس بعدها يندم وزي انه يحتقرني واذا سألته يقول مافي شي والله يابنات اني استحي وان مو ناقصني شي بس ابي اعرف ليش هو يعاملني بالطريقه هذي ؟
ليش يشوفني مااستاهل طلعات ولاسفريات حتى لو سفرنا لاهلي يطلعها من خشمي ولازم يتفعل المشاكل احس صرت اتوتر واخاف منه يكفي طفولتي عشتها كلها ضرب من ابوي حتى كبرت وزوجني بسرعه يبغى الفكه مااظن راح يقبل فيني مطلقه اذا يالله يتحملنا كم يوم 💔
ابغى حلول مقهوره