المشاكل و مرض السكري

السلام عليكم ورحمه الله الله يسعدكم ويوفقكم احبكم والله ماتدرون لكم معزه في قلبي انتو اخواتي : عندي مشكله يا اخواتي وهي طبيعي جداً مشاكل الحياه و الهواش وطبيعي جداً اننا نتأثر نفسياً ونعصب مستحيل الشخص يسيطر على نفسيته طبعاً انا مريضه سكر عمري 28 سبق وقلت لكم :طبعاً كان سكري ممتاز طوال الفتره اللي فاتت الحمدلله امس صارت مشكله عائليه وتوترت وعصبت المهم حسيت بأرتفاع شديد في السكر حللت طلع 490 اخذت جرعه سريعه المفعول مفعولها سريع جداً جلست تقريباً ساعتين بعدها حللت لقيته 500😢 خفت صراحه رحت عند الدكتوره قالت لي ايش اكلتي قلت والله اني ماشيه على حميه وما اكلت شي حتى السكريات قطعتها نهائي قالت اكيد عصبتي تري اكبر مصيبه على السكر العصبيه عطتني انسولين زياده تخيلو يابنات جلس يومين كامله ماينزل عن 500 حتى بدون ما اكل ايش اسوي يابنات طبيعي جداً الانسان يعصب ويزعل يعني كل ما ازعل يرتفع سكري هذي مو حاله صعبه جداً لازم يسوون لمرضى السكري كوكب ثاني عشان يبتعدون عن المشاكل 😂