المشتركات في مركز الامير سلمان يدخلون ضروري ابيكم بكلمة راس

انا واول وحدة ترد عليك انا مشتركة السنة اللي فاتت ومشتركة قبل ثلاث سنوات بس نحفت نحف ماهو صاحي نقصت من 92 الى 74 خلال ثلاثة شهور وانشد الجسم وترهلات اليدين وضمار البطن والصدر يعني تغيرت مية بالمية طلعت عارضة ازياء هذي السالفة قبل ثلاث سنين وحفظت على جسمي لين جابت بنتي وزدات الى 84يعني عشرة كيلو ودخلت العام وسجلت ست شهور بس للاسف الشديد مانزلت الا كم كيلو لن الهرمونات لعبت فيني رغم اني بالملابس نحفت بالمرة بس بالميزان مانقصت الا اربعة كيلو لا وبعد ماكملت الشهرين الاخيرة لن زوجي ابتعاث وسفرت معة وسلاماتك بس من تجربتي من النادي ونزولي الاول 17 كيلو راح اقول للك وشلون نضامي طبعا اول شي رجيم من اخصائية النادي بعدين امشي على المضمار اول شي نص ساعة بعدين ساعة وبعدين كل شوي ازواد لمدة اسبوعين بس مشي بعد الاسبوعين راحت ودخلت الكلاسات حقت المبتدين فية جدوال اسالي عنة وخوذية وبعدين اخر شي ادخل المسبح وبعدها اطلع من النادي يعني ثلاث ساعات صدق البادية متعبة بس صدقيني النتايجة مرضية اذا مشيتي على الرجيم والنضام في النادي وسلامتك طبعا انا متزوجة ومعي ولد وبنت واذا فية اي سوال انا موجودة وسامحيني على الاملاء لن فية اخطاء املائية

الله يجزاك خير بودي اسالك 100 سؤال مانعطى وجه
بس ماقدر ارسلك لانك جديده
ابي اسالك مادخلتي على الاجهزه الرياضيه
بس مشي ودخول الكلاسات
وهل فيه كلاسات عقب المغرب ولا بس العصر
وهل هذي الكلاسات يوميا ولا ايام محدده
طيب المشي كفيل انه ينحف ويشد لوحده مع تخفيف اكل
ولا لازم هتمارين
معليه تحمليني على كثر اسالتي
والله يخليك ولدك وبنتك يتربون في عزك

:06::06::06::06:

بنات حبيت اسالكم كم سعر في الشهر ؟لانهم مررررررره يمدحونه

للرفع