استغفرالله الذي لا اله الا هو الحي القيوم واتوب اليه

لاحول ولاقوة الا بالله

حسبي الله لا اله الا هو عليه توكلت وهو رب العرش العظيم

لا اله الا انت سبحانك اني كنت من الظالمين

السنيورة الماسة = خلاص هانت ان شاء الله الله يهون علينا


وردة الجوري = يا عمري ربي يسهلها عليك يارب ياحي يا قيوم فرج هم وردة الجوري يا كريم يا أرحم الراحمين..طمنينا عنك ؟؟


قبل الرحيل = صراحة مرات أحس اني مستعجلة ومرات احس نفسي عاااااااادي يمديني على تقطع النوم وفي نفس الوقت اسمع ان الجنين اذا جلس في بطن امه فترة التسع شهور يزيد ذكاءه والله اعلم ويكون جسمه مصطح والله أعلم ومرات احس نفسي مستعجلة أخاف يكبر وتتعسر ولادتي >>>>>>> والله ما ينعرف لنا يالبكريات


حبيبة امها = ربي يسعدك دنيا واخرى وانا امس مشيت أكثر من نصف ساعة بس سبحان الله أحس اني ما في بوادر ولادة أبد وصديقتي قالت ان البكريات يطولون مو زي اللي ولدت قبل والله اعلم ..وحاولي تخلصي اغراضك عشان لو جتك ولادة مفاجأة وربي يهونها علينا ياااااااااااااااااااااارب


مدام شوشو = حبيبتي أكيد الافضل ان الوحدة تمشي من بداية التاسع أو من الثامن طبعا حسب حالتها الصحية وبعد ما تستشير طبيبتها لكني عني صراحة ما بدأت اشد الهمة إلا تقريبا من نصف التاسع أو قبله بقليل والله نسيت وأمشي نصف ساعة ومع تقدم الأيام أحاول أزودها شوي شوي على حسب درجة تحملي طبعا للآن لسة ما وصلت للساعة الكاملة لكن رح احاول وأنصحكم لما تمشوا مثلا في الشقة أو حتى الحوش أو السطح تجيبوا معكم مسجل وتشغلووووه على القرآن عشان ترتاحون نفسيا وتحسوا ان الوقت يمشي معك أنا دايما اسويها وأستمع للشيخ ماهر المعيقلي صوته مؤثر الله يجزيه الخير ومن يوم ما بديت أمشي وأنا أمشي يوميا إلا يوم كنت فيه تعبانة بس اني لازم امشي يوميا ..وأنا في البداية كنت اقسمها نصف ساعة صباح ونصف ساعة قبل المغرب أو في الليل



دانة خالد = يا عمري ربي يسهلها عليك حاسة فيك ..أنا باقي لي ثمانية أيام و يااااااااااارب تتسهل ولادتي وتطون طبيعية وأياكم حبيباتي ...تصدقين جاني احساس انك ولدتي خخخخخخخخ ما أدري ليش ان شاء الله انك قريبة وتفرحي بطفلك وهو بجنبك على السرير ...يااااااه احس اللحظة هذه فررررررحة كبيرة الله يفرح قلبك



تالا وزين شمعتي = والله لما أمس ماشفتك أني قلت ان انتي كمان شكلك ولدتي خخخخخخخخخخخخخخخخخخخخ
ياعمري ان شاء الله تولدي قريب وترتااااااااحي من التعب وتريحي زوجك وعيالك بعد خخخخخخخخخ ..كمان عندي احساس انك رح تولدي قريب دام قلتي ان الألم يروح ويجي ..أنا احس مرات بظهري شوووووووي يوجعني ومرات ما كأن فيه شيء سبحان الله
وأنا زيك مرات اقول اتركي التفكير في الولادة الحين ..هي جاية جاية بس الوسوسة وما أدراك ما الوسوسة ....



ام سيد يحي = يا قلبي الله ييسر لك الحمل شوفي الافضل انك تستشري دكتورتك دامك تتعبين وأنا من رأيي تمشين المشي المعتاد بعد استشارة دكتورتك لكن شدي الهمة في اخر الثامن والتاسع عشان ما يكون عليك المشي صعب والله المشي مفيد يقوي الجسم وينشطه وعن تجربة أول ما كنت اقدر أستند على رجولي لما أوقف واحس عضلات فخوذي ضعيفة لكن مع المشي الحمدلله صرت أقدر شوي عكس الأول اللي ما اقوم على رجولي إلا بعد ما استند بإيديني كأني عجوووز خخخخخخخخخ



قبل الرحيل = تصدقين هالسؤال (قياس الحوض قبل الولادة ) شاااااااااااااااااااغلني كثير وأفكر اسأل دكتورتي عنه ..اللي عندها موعد قريب تسأل دكتورتها عنه وتطمنها ..أنا زيك خايفة ان الجنين راسه كبير ولا يستطيع المرور في الحوض الخ الخ وربي يهونها علينا

===================================================

بنات اللي تقدر تترجم لي الكلام اللي تحت صورتي تترجم لي لآني ما فهمته كله وربي يجزيها كل خير ..ابغى اشوف وش يقول جنيني عن نفسه ..الله يخليه ويحفظه

الله يسهل عليا وعليكم اجمعين

اليوم لي اول يوم بالتاسع بس لما امشي اتعب رجولي تالمني ومقدر انام وفوق ذا تجيني كتمه

عذاااااااااااااااااااب

888888888888

انا مثلك لي 10 ايام بالتاسع

واحس باللآم باحوض

واسفل ظهري وكتمه غريبه وبديت امش كل يوم نص ساعه

وادعوا ان شغالتي تجي قبل ماأولد <<<<<<يااااااارب

اهلا محبه عقبال ولادتك يا رب و تكون سهله لا تخافي ابدا
انا كمان انتفخت سرتي في الشهور الاخيره و برز جزء للخارج و الان بعد الولاده راح الانتفاخ لكن انا لسه ما كملت اسبوع يعني لسه بطني اصلا ما رجعت بشكل كامل لوضعها اعتقد سرتنا بترجع طبيعيه بس الى الان موقادره اعرف هو فتق او لا ....بعد الولاده مرت علي دكتوره و وريتها سرتي و قالت انا مو شايفه فتاق بس انا مو مقتنعه بكلامهم اريد اعمل سونار او كشافه عشان اصدقهم لكن لا تخافي الانتفاخ الان مو باين.
بالنسبه للولاده انا ما كان عندي طلوق و كان باقي ٦ ايام على موعد الولاده و رحت ازور اهل زوجي و كنت طبيعيه و فجأه الساعه ٦ المغرب بدأت تجيني مغصه بسيطه كأني بروح الحمام و ما في اي الم في الظهر ابدا و لقيتها تتكرر قلت بشوف الساعه و و لقيتها تتكرر كل عشرين دقيقه يعني ما شاء الله كان سريع مو مثل الباقيين الي يكون متباعد و كان خفيف ما يوجع لدرجة اني طلعت امشي مع ام زوجي ساعه كامله من ٨ و نص الى ٩ و نص و بعدها صار كل خمس دقايق و ما كنت مستوعبه انه طلق لان ما اشتد الا لمدة ساعه و نص وولدت بعدها بسهوله بس المضحك اني ولدت بطريقه مبتكره ...لما رحت المستشفى كنت مفتوحه ٣ سنتي بس و كانت الساعه ١٢ و نص بالليل و بعدين قالولي ان الرحم يفتح كل ٤ ساعات ١ سنتي فقط انا طبعا كنت بموت لما قالوا كده لان معناها ببقى يوم كامل اتألم لكن القابله لما شافتني اتلوى اقترحت علي اجلس على كوره كبيره ...تعرفيها؟؟؟ كورة الرياضه الي تكون كبييييييره و ممكن تجلسي عليها و فعلا جلست عليها و قالت كوني نطي شوي شوي عشان ينزل الراس و لما تجيكي الطلقه حطي راسك على السرير لاني كنت جالسه على الكوره و متكيه على السرير و فعلا ارتحت مع الكره و زوجي كان يدلك ظهري مع اختي بالتناوب لما تجيني الطلقات و انصدموا الممرضات لما لقوني وقفت و اقولها احس شي بيطلع ما كانوا مصدقين انه خلال ساعه او ساعه و نص انفتحت ٧ سنتي و كان الراس خلاص طالع برا اخدوني جري بالسرير لغرفة الولاده و طلعت بنتي في عشر دقايق ما شاء الله تبارك الله بمنتهى السهوله و ما احتجت اي مساعده منهم و كان شعور مريح و حلو اللهم لك الف حمد و شكر و الله انها تجربه حلوه اخاف احسد نفسي صرت احب الولاده الله يعطيكم كلكم ولاده سهله و ممتعه تفرحوا لما تفتكروها...حكيت قصتي من غير ما احد يطلب مني خخخخخ .
لا تنسوا تقولوا ماشاء الله لاني انا نفسي خايفه احسد روحي ماشاء الله ما شاءالله ما شاء الله لكن حبيت اطمنكم عشان ما تخافوا من الولاده .