المشكلة ابوي ..

السلام عليكم ورحمة الله وبركاته ..

كيف حال الشباب والصبايا .. ان شاء الله الكل بخير وماتشكون من شي ..

الموهم باختصار انا عندي مشكلة شنو مشكلة قولو مصيبه عظمى الله يكافيكم المصايب ..

ابوي :(

تخيلو الغلط بالبيت يبدأ من ابوي .. كلما نجيب خدامة نطردها والسبب حركات ابوي الغير بشريه ((الشهوات الحيوانيه<<<كما يطلق عليها علماء الفلسفه )) معاها ..

وهالخدامه اللي عندنا الحين اندونيسية .. ابوي دايم رايح جاي وهو طالع يقولها تبين شي واحنا بالصالة نسمع طبعا احنا انا واخواني وخواتي وامي كلنا نسمعه وهو لما نقوله يبا مالك شغل بالخدامه يقول اجل اطردوها .. انا ماقاعد العب معاها انا اتكلم معاها وافهمها غلطاتها .. وطبعا باتفه الاسباب يهاوشها .. ولو انطقت اسمي وغلطت بفتحه او ضمه يقعد ساعه يعلمها النطق صح .. يعني اهم شي يتكلم معاها ..

عاد الحين اهيا جتني وشكتلي اخوي تقول يقولها كلام وصخ وحركات اعوذ بالله منها طبعا اهي قالت حرفي .. بس اكراما للجميع ..

عاد اليوم تطورت المشكلة حيل لين وصلت لابوي يسألها ولد انا ..... يقول انتي كلام موزين وقالت ايه راح هاوش اخوي وزعله واطرده برا البيت .. ولما رجع اخوي اليوم الثاني قتله اني ادري بالسالفه اللي بينه وبين الخدامه ومره ثانية لاتكلمها ولاتطلبها اطلبني انا وانا اسويلك .. قال اذا انا تركتها ابوي ماراح يتركها .. شنو بس هو يكلمها وانا لا ((هني المصيبه)) هو دايم يصبح ويمسي عليها وماعمره صبح علينا ولا مسا .. هو دايم يقولها تبين شي بطلعاته ويضحك معاها يتطمن عليها تغديتي تعشيتي وبالليل يقولها روحي نامي ارتاحي .. يعني شنو ليش يقولها هالكلام يبي يتزوجها .. ترى اشرف له .....

الموهم عاد قتله انت مالك شغل لاتكلمها وخلاص انا اتفاهم مع ابوي ..

والكل يدري مدى الاحترام اللي موجود بين الاب وعياله .. وانا ماادري وشلون اقول لابوي .. هل اواجه بالحقيقه واقوله كل اللي قاله اخوي عنه .. ولا شنو اسوي ولا ابعد اخوي عنها واترك ابوي .. لانه طبعا ابوي ومااقدر اكلمه واقوله هالكلام الموزين وهو اللي معلمنا ماننطقه ولانحاول نسويه ولانشوفه .. ودايم يقول تعلمو وشوفو برامج زينة ومفيده على التلفزيون وهو ليه مايشوف ليه التعليم لازم بس لنا وهو لا .. يعني هو متعلم بما فيه الكفاية مايحتاج يتعلم اكثر والدليل صغر عقلة مع الخدم ..

طبعا لاتقولون وش تبين بالخدم اطرديهن كلهن ولاعاد تجيبينهن .. لا انا خواني كثير ماشاء الله وطلباتهم كثير ومتعودين الخدامه تسوي عنهم كل شي وانا اكبر وحده بالبيت واختي الثانيه تدرس وماعندي غيرها اخت .. والبيت ضروري فيه خدامه ...


والله ما ادري وش اقول وش اسوي المشكله امي لما اقولها كلمي ابوي حنا موجودين حوله ونفهم ونشوف حركاته واخواني قاعد يتعلمون منه .. تقول لا ابوك مايسوي شي غلط ابوك يعلمها اجل احنا وش نبي بخدامه ماتفهم .. ونقولها يايمه اهي ماواقفه على جذي وبس لا هو يسوي ...... و...... تقول لا عيب هالكلام .. وتسكتنا

واحنا نشوف بعيوننا واهيا تشوف لكن تحس انها مو مصدقه عليه او انها فقدت الامل باصلاحه وماتبي تخرب صورته قدامنا .. والله ما ادري وش سالفتها اهيا الثانيه ..

المووووووووووووووووووووووووهم انا والله صدعت راسكم بهالموضوع .. بس والله مشتهيا انكم تساعدوني وتعطوني رايكم ولو بدعاء او نصيحه اسويها مدام انا اكبر البيت ..

طبعا للمعلوماتيه ابوي دايم يطلب انه يتزوج طبعا على امي .. بس احنا نرفض لانهم مو قاصره شي احنا اخواني كثير بنات وصبيان .. بس الحين من زمان ماذكر موضوع الزواج .. التها بالخدامه .. الله يهديه ويعيننا عليه ..


..

انتظر الردود:(