المشكلة ان الجرح يجي من اقرب الناس لك #اختي هي التي جرحتني فماذا افعل

لا والله في نظري أنك منتي غلطانه بالعكس كل اللي سويتيه صح
ولاتخافين من أحد يزعل عليك أهم شيء أنك أديتي الأمر اللي عليك وهوأنك نهيتي عن منكر
شوفي من رأي أنك ترسلينها رسالة جوال سلمي عليها وأسئليها عن أخبارها
ولاتعتذرين لإنك إذا أعتذرتي راح تقول أنها على صح في اللي سوته وأنتي على غلط؟
واكتبي أنك مانصحتيها إلا من خوفك عليها
ولااااااتقاطعينها وأستمري على ماأنتي عليه
وماشاء الله أغبطك على غيرتك،،،،،،الله يوفقك ويصلح بينكم

انا مع الاخت tmemeah بكل كلمة كتبتها
انتي يالغلا ما غلطتي
شكلك تحبين اختك الله لا يفرقكم عن بعض
لكن
ياليتك ما كلمتيها قدام الاهل كلهم اتوقع انها حست باحراج
على الاقل عطيتيها كتيبات و انتي جزاك الله خير ما قصرتي كلمتيها ما بينك و بينها
شكل اختك مش مقتنعه بكلامك
فانتي سويتي اللي عليك و انكرتي المنكر
ما تقدرين تجبرينها على لبس معين
صدقيني ان شاء الله راح تقتنع من نفسها
حسيت اختك والله اعلم كانها ماخذه الموضوع عناد
عشان كذا ما سمعت نصيحتك من البداية
كلميها عاااادي
والله يهديها و لا يفرقكم عن بعض يالغالية

حقيقة انتي ماغلطتي ونصيحتك ستؤجرين عليها
وتصرف اختك المنصوحة ربما طبيعي لأنها اعتبرت انك جرحتيها
لكن اختك الاخرى لماذا أخفت عنك الامر؟؟
ان كان هناك من يستحق العتاب فهي اختك الثانية وليست المنصوحة؟؟
عاتبيها بلين ولكن بدون زعل او خصام

تسامحوا من بعض ولا تقولون فلانه الغلطانه ولا فلانه الغلطانه الرسول عليه الصلاة و السلام يقول جد لأخيك 70 أو 77 عذراً أو كما قال ويقصد بها أخوك المسلم فكيف أختك من دمك ولحمك فتزيدين عليها صلة رحمك وأنت يظهر من كلامك أنك ملتزمة أحسبك والله حسيبك فأختك التي قالت زوجي رفض قد يكون عذرها أنها كانت ستقول لك عن غضب اختك ولكن تتحين الفرصة المناسبة ....وأختك الغضبانه قد تكون أحرجت أمام أهلك وأنت أردتي خيراً ولم يكن قصدك إحراج أختك ولكن قصدك الخير للجميع ....لكن دائماً خلي نصائحك للشخص من دون إحراج أمام الغير فقد قيل إذا نصت الشخص بمفرده فقد نصحته وإذا نصحته أمام الناس فقد فضحته .....

وأضيف أيضاً أن هناك شيطان مكلف للتخريب بين الأخ وأخية وآخر بين الإبن وإبنه وآخر بين الزوج وزوجته وهو أفضلهم وأقربهم للشيطان الأكبر عدونا وعدو ابونا آدم وأمنا حواء منذ الأزل ......
عاتبي أختك اللتي لم تخبرك وقولي لها يا قرة عيني أنت أختي المفروض للإصلاح ذات البين تقولين لي أن أختنا زعلانه مني عشان أعتذر ما يصير وحده منا تبات زعلانه على إختها وثاني مره ما يتكرر هذا التصرف إذا أي وحده زعلت من الثانيه لازم الثانيه تصلح بيننا وخلو هذا إتفاق بينكم .....والشيخة الزعلانه حبيها على راسها وقولي لها والله قصدي لك الخير كله ولو ما تعزين علىي ما قلت لك وأنا يمكن غلط إني قلت لك الكلام قدام أهلنا بس مادام هذا الشيئ يزعلك ما يتكرر إذا عندي شيئ أقوله غلى إنفراد ......وترى الدنيا ما تسوى وبكل بساطة تقدرين تستغنين عن إختك تقعدين ببيتك وتطنشينها وتعيشين عادي من دونها بس ما أعتقد تستغنين عن رضى ربي ...(((صلة الرحم ))) جمع الله قلوبكم على طاعته..... ولا تتركوا للشيطان عليكم منفذ فالدنيا مهما طالت قصيرة ...((وخاصةً حنا البنات قلوبنا حنونه ما نقدر على فراق بعض)) الله لا يفرقكم ....موفقين.

سلمت يمينك ياأم حموودي وبلسم ولا يهونون باقي الأخوات ,,,,,,,

إدحري إبليس يا عزيزتي ولا يضحك عليك , وثقي بالله لن يضيع لك أجرا وإلتمسي الأعذار لهن وأبسط شي حطي نفسك في هالموقف (أختك الزعلانة) وشوفي ردت فعلك يمكن تختلف كلن وشخصيته بس الزعل واحد..........وإن شاء الله مايطول زعلكم ...