injoody @injoody

عضوة نشيطة

المشكلة : طلبات بنتي اللي عمرها ثلاث سنوات .. كيف أتعامل معاها .. دلوني يا أمهات

السلام عليكم .. أولا شكراً على المرور ..
ثانيا : مشكلتي مع بنتي تكمن في طلباتها كل ما رحت محل أو سوبر ماركت .. بالمختصر المفيد كل مرة لعبة .. يعني كل فترة قصيرة تشتري لعبة ..
حتى صار البيت تويز أر أص.. والله ما أبالغ غرفة الألعاب مليانه من الأحجام الكبيرة والصغيرة .. حتى إن مافيها مكان حق لعبة جديدة
المشكلة إن لما نروح أي مكان وتشوف لعبة تتمسك فيها وحتى لو كان عندها نفسها وتبدأ بالصر اخ وتسوي لنا عرس ما صار واللي مايشتري يتفرج .. :icon28: إذا قلت لها لا .. تحرجني قدام الناس فأضطر اشتريها.. شو بيقولون الناس عنا أنا وأبوها .. ما يشترون لبنتهم لعبة .. وهو ما يدرون باللي في البيت ..
والله إني متضايقه حيل من هالسالفة .. ما أدري شو أسوي .. وكيف أتصرف .. ساعدوني :(

يلزم عليك تسجيل الدخول أولًا لكتابة تعليق.

تسجيل دخول

wmar882004 • 17 سنة

الله يعينك عندنا وعندكم خير نفس المشكله عندي بس ايش اسوي

jolah • 17 سنة

wmar882004 :

الله يعينك عندنا وعندكم خير نفس المشكله عندي بس ايش اسوي

الله يعينك عندنا وعندكم خير نفس المشكله عندي بس ايش اسوي

والله شوفي حبيبتي ..

إنت بنفسك تقولين عشان ماأنحرج أضطر أجيب لها !!!

بنتك عارفة هالشي عشان كذا ماسكة معاك نفس الإسلوب

(بصرخ وأبكي ) بانهاية بيعطوني اللي أبيه ...

شوفي حبيبتي أنا صحيح ماعندي أطفال لحد الحين ..

بس صدقيني إنه الطريقة الصحيحة إنك ماتردين عليها وإمسكيها بالغصب ..

وإمشي وماعليك من الناس لأن الناس كلها فاهمة ..

الأطفال كلهم كذا يحرجون أمهاتهم وابائهم بالسوق .. بس خلاص صدقيني محد راح يفكر التفكير اللي

تقولين عليه .. وياكثر اللي أشوفه كذا في الأسواق ...

صدقيني والله إذا بتستمرين على هالطريقة ( على كل طلعة لعبة ) راح تتعبين معاها بعدين .. وراح

تصير كل شيه تبيه ..

وبنتك لسى صغيرة لحقي عليها من الآن ..

الله يحفظها ويخليها لك إن شاء الله ويطرح فيها البركة ويصلحها .. آمين ..

injoody • 17 سنة

شكراً على المرور والنصيحة ..
بحاول أسوي اللي قلتي عليه يا اختي .. والله إن تربية اليهال صعبة أصعب من حملهم وولادتهم

أيـــــــــام حلوه • 17 سنة

عادي حبيبتي خليه تاخذه وتلعب فيه واذا وصلت المحاسب رجعها بدون ماتعرف يام شفت ناس كذا واذا جيت عندي المحاسبين شوف كلها العاب

صمت المدائن • 17 سنة

يوووه حتى انا بنتي عمرها ثلاث سنوات وابوها مره معطيها وجه وكل مابغت شي سواه لها الين ماصارت البنت دايم تحن عشان نسويلها اللي تبي ...صراحه مالها الا حل الاخت اللي قالت اسفهيها انا بصراحه لو اقنع زوجي يسفهها ومايرد عليها ومايعطيها وجه الين صاحت او الحت كان مرتاحه ..البنت تعرف نقطة ضعفه وهي انه مايتحمل صراخها وحنتها فيطيعها عشان يرتاح والاطفال اذكياء يستغلون هالشي .. الله يصلح بنتك وبنتي وبنات المسلمين وربي انك صادقه تعب الحمل والولاده كوم وتعب التربيه كوم ثاني ..