المشكلة فيني ولا في خداماتي

انا بيتي دور واحد بحوش عدد الغرف 7 غرف شاملة المجالس

واربع حمامات

عندي ثلاث اطفال وموظفه

جبت وحدة ولها عندي 5 سنوات شغلها تمشية حال بس مرتاحة لها نفسيا وهذا مهم عندي

رحت جبت وحدة ثانية للمطبخ وتنظيف المجالس الي عددها 4 وتنظيف 3 حمامات والصاله وغسيل ملابسي وملابس زوجي

باقي 3 غرف وحمام وغسيل ملابس العيال هذا على الشغالة الاولى

بتقولون وين المشكلة ؟؟؟؟؟؟؟؟؟

المشكلة ان الشغالة الجديدة ماتنظف الي اقولها عليه بشكل يومي

يعني كل يومين تنظف هذا الي لاحظته وغير كذا تدخل المطبخ من الساعه 10 الصباح ويادوب تسوي كبسة وايدام وتطول في تنظيف المطبخ للساعه 5 العصر وتنظيف المطبخ اي كلام

والكوي ماتكوي كل يوم لانها بطيئة فتخلي يوم للغسيل ويوم للكوي

الساعه 9 او 10 في الليل تروح تنام هي والشغالة الثانية


يعني انا جبتها ابيها اصناف على الغدا والعشا وحلى بس احس انها اذا سوت هالطبخات ماتنظف المجالس ولا الحمامات ولا تكوي يعني يروح يومها من الصباح في المطبخ


مع اني اشوف ناس كثير ماشاء الله الغداء اكثر من صنف والحلى معه والعصر فيه فطاير خفيفة وبالليل فيه عشا نوعين وكذا

مدري المشكلة وين هل انا تاركتها على راحتها ما اشد عليها ولا ولا هي الي بطيئة


على فكره هي في فترة التجربة تو ماخلصت 3 شهور حقت التجربة


كيف انظم شغلهم على اساس بيتي وعدد الغرف


تكفون ساعدوني بنظام مريح لهم ويناسبني