المشكلة في زوجي مو في اهله..تعبت

السلام عليكم ورحمة الله وبركاته
حبيباتي انا عندي مشكلة
او بالاصح زوجي هو اللي يعاني من مشكلة متعبني معاه
انا ليا سنة وكم شهر متزوجة ولله الحمد
وزوجي يقرب لي
زوجي شوي معقد وكتوم بس في الاخير ينفجر
واغلب انفجاراته تكون على حاجة فاهمها غلط ومو حابب انو يستفسر عنها
( طبعا انا من يوم مالاحظت دي الخصلة فيه وانا طايحة تفسيرات وشرح لدرجة انه يقولي شايفتني غبي خلاص فهمتك)
ياخد مواقف وانا ماني دارية عنه
مصر اني ما احب اهله مع انو علاقتي مع اهله حلوة من قبل زواجنا
له اخوات بس انا ماني حابة حكاية انو اخواته يقلبوه عليا او يقوموه مع انو وارد جدا ولاحظت ذا الشي
بس انا ما حقدر اغير احد ولا ابغى اغير الا زوجي
دايما يصير بيننا مشاكل انو ما احب اهله
ومرة جلست معاه جلسة جدية اقوى شي
وقلت له لازم تصارحني
قام فجر القنبله في وجهي
اتخيلوا
يقول انه يشوف كل وحدة من اخواته بس تتكلم وتكره و تسب في اهل زوجها
واكيد انتي زيهم
قولتله يعني انتا مو شايف انو انا اكرههم
يقولي قدامي لا بس من ورايا اكيد
تعبت اشرحله ويقول انه اقتنع
بس بعد فتره يرجع زي اول ويشك
كل ما وحدة من اخواته سوت مشكلة مع اهل زوجها يرجع ويطفشني
احسه مع اهله أكثر من ماهو معايا
اي مشكلة بيننا ترجعنا اغراب
مرة قلتله انو مافي امل نكمل مع بعض
انهار وقالي مستحيل انا احبك وما ابغى غيرك وووو
واتطمنت فترة
وحسيت انو الحمدلله حياتي مشت تمام
وبعد فترة رجنا لنفس الحكاية
تعبت
يعني لو كانت مشكلة ثانية ماشي احاول احلها
بس مو معقولة نفس المشكلة تنطلي كل شوية
جربت كل الحلول وكلها تطلع مؤقته
لو سمحتم اللي عندها خبرة تديني حل
وجزاتها الله الف خير