المشكلة مو فيني ....... اقدر اتحمل

يابنات مشكلتي اليوم طالعة من ايدي واحس نفسي بأنفجر أحس ودي أنحاش وأقعد في مكان فاضي وابجي حيل
مادري شفيه بيت اهلي ( والله أنا أحمد ربي ألف مرة عالصحة والعافية وعسا مايجي أردى بس جد أحس نفسي ضايقة )
بيت أهلي كله مشاكل من قبل وفاة ابوي ليم الحين أوضاعنا جدا متوترة احنا قلوبنا ع بعضنا ولو واحد يتعب الكل يتعب وراه بس مشكلتنا الضغط خلا محد يتحمل أحد وامي الله يطول في عمرها مو من النوع الصبور فقيرة من الوحدة والظروف اللي مرة عليها صارت كئيبة وان صار شي سوته محزنة وتعب بس الفترة اللي طافت صار شي غريب
انا مو مقطع قلبي باللي صار غير امي الله يعينها ودي افرحها بشي يابنات
احنا ثلاث خوات اختي الكبيرة شهر 6 ولدت وطلع الجنين متوفي
وانا بنفس الشهر طلعت حامل وللاسف طلع خارج الرحم للمرة الثانية بنفس السنة وبعد معاناة من ابر الكيماوي انفجر الانبوب في الرحم
وبنفس الشهر يابنات جت ورقة طلاق اختي الصغيرة من ولد خالتي اللي صبرت 5 سنوات معاه بدون حمل ؟؟؟؟؟
يارب ياللي ضيقتها عليها بشهر واحد تفرجها على امي بشهر واحد مسكينة والله متقطع قلبي عليها والحين بعد جاها خبر اخوي اللي عمره 19 سنة طاح عليها وطلع فيه سكر أحسها انهارت خصوصا انها ماعاد تتحمل
تكفون ادعوا لها وعسالله يرزقكم كل ماتمنونه
ادري ضيقت خلكم بس صج احس بضيقه مو طبيعية والله ودي أحمل عشان تفرح بس مو بيدي أحس ماني قادرة اتحمل اشوفها جذيه والمشكلة اسلوبها يتعب لانها حيل متشائمة
بتقولون عين . سحر . والله ان القرأن مايطفي في بيتنا ولله الحمد بس مادري شأسوييارب يفرجها
تكفون ادعوا ان ربي يقوي قلب امي ويجعلها قانعة ومتفاءلة ويهدينا جميها
مالي غيركم بعد الله أفضفض له