المشكله:مفاصل اصابع القدم لونها غامق...من عندها حل؟؟

جربي خلطة الاخت شالسالفه لانه تزيل السواد فخلي اول علي الاماكن السوداءحته يوحد اللون مع باقي الجسم

استخدمي خلطة الاخت شالسافه ترها تبيض المناطق السوداء من الجسم واول ضعي علي الاماكن السوداء حته تفتح وتوحد الون

وبعدي عن لبس الجوتي الضيقه فهي التي تسبب الاسمرار لمفاصل

السلام عليكم ..

شوفي حبوبتي ثلوجه .. أنا والله أعلم مابيني وبينك فرق وكنت أعاني مثلك وغير سمار الأصابع أصلاً رجولي لونهن في وادي ولون باقي جسمي في وادي .. يعني إذا طالعتي رجولي تقولين هذولي الرجول ما هم لهالجسم ,, ومن هنا قررت التغييييييييييييير ,,
وحده من صديقاتي نصحتني أجرب خلطه بسيطه مره .. عباره عن .. خل وماء .. بسسسسسسسس
يعني تجيبين حله أهم شي تصير مقاس رجولك خبرك عاد رجولنا يبي لهن حلل مربعه ماهي مدوره :07: !!
وتملينها خل وماء بنسب متساويه يعني مثلاً 3 كاسات ماء + 3 كاسات خل الكميه اللي تغطي القدم كامله
وانقعي رجولك فيها .. الوقت اللي تقدرين عليه .. أنا بصراحه الحين والله العظيم رجولي منقوعه فيه .. خخخخخخخخخخخ <-- البنت ماتضيع وقت حار بحار :27:
يعني وقت ما أجلس أشتغل على الكومبيوتر أو أطالع التلفزيون أجيب حلتي وأنقع رجولي وبعدها بتلاقين رجولك مررررررره مستويه ومعرعره :D قصدي رطبه
بعدها تروحين الله يعزك الحمام .. وجيبي حجر الخفاف الأسود وأنا بصراحه عندي العصا اللي فيها جهه خشنه وجهه ناعمه .. ونعمي باطن القدم والكعب بها .. بعدين تجيبين أي سكراب أو صنفره عندك وتخلطين معاها سكر خشن .. أو بدون .. وبالليفه اللي تبع البدي شوب .. أفركي رجولك ,, وبعدين أغسليها بالمويه ونشفيها وأدهنيها بأي كريم مرطب أنا وبالنسبه لباطن القدم عندي أستخدم له فازلين الأزرق لعقب القدم أو الجليسوليد .. جربيها كل ما فضيتي بس لا تنسينها أهم شي داومي عليها أقل شي بالأسبوع مره أو مرتين

أنا أول شي مثلك .. أتعيجز لكن بعد ماداومت عليها كم مره ورا بعض صارت عندي أسهل مليار مره من الخلطات والحوسه والتربيص والبربسه في الحمام ساعه وثنتين ..

أتمنى إنك تجربينها غاليتي ,, وبلييييييييييييييييييز بشريني عن النتيجه لو على الخاص ..

:) ملاحظه .. إذا قدرتي تستبدلين الخل العادي بخل التفاح يكون احسن لكن أنا ماقدرت أستحمل ريحته أحسن إني أنخنق منه ..

:39: ملاحظه ثانيه .. لا تنسين التقشير والترطيب سواء نقعتي رجولك أو لا لأنه مهم جداً للمحافظه على نعومه ولون الجسم عموماً ..

تمنياتي لك بالتوفيق .. وسلامة قلبك :26:

جليسوليد + جلسرين + فقس + زيت لوز + عصير ليمون
يوميا قبل النوم ضعيها والبسي شراب
لازم انتظام والا ماراح تشوفين نتيجه

الجزمه اللي تلبسينها لازم تكون مناسبه ولا تضغط على الرجل لان كثير من الجزم هي سبب السواد في الارجل



بالتوفيق ياقلبي

تسلمون كلكم وشكرا لمساعدتكم
:)