المشكله الوحيده الي أعاني منها من زوجي

مرحباااا

أنا من زمان مادخلت لانو لايتوفر عندي نت وآخيرا دخلت من جهاز صاحبتي

مشكلتي الوحيده الي أعاني منها مع زوجي هي نقطة أهله

دائماً يبغاني عندهم يطلع وقبل لايجي يقول آتجهزي وجهزي النونو بنروح عند أهلي نجلس شوي
كل يوم على هالمواااال
مرااات اعتذر اني مالي خلق مع اني نفسي أطلع بس عند أهله لااااااا كل يوم والله ماحياه هذي
أنا اطفش خصوصاً معاملتهم معآي وتطنيشهم لي ولا كأني موجوده بس يبغون النونو وهاتك يادق بالكلام
وانا والله العظيم كلمه وحده ماتطلع مني وارجع للبيت وانا مقهوووره منهم واحط الحره بزوجي الي ماله ذنب وينقلب يومي مرات اقول مايستاهل هذا زوجي أهم شي هوو الباقين ماعلي منهم لو يكرهوني كلهم ومرات اقول لا يستاهل لانه يوديني وانا كاااارهه الروحه لاني عارفه وش بيصير
أنا مو من النوع الي اقول امك قالت وامك سوت وليش وخواتك قالو وليش ..؟ لا والله
والله لوو شي كبير سووه فيني ماأتكلم عنده عن أهله دايم ساكته بس أشتكي لاأمي حبيبتي وهي الي تهديني وتشاركني همومي

المشكله انو مرات لما اعتذر يقووولي أبووي قالي جيب النونو أقولووو لاااا لا مااقدر
وسالفة اخته وتعلقها بالاطفال تبغاه دايم عندها وكل شوي تتصل فيه جيب النونو اشفيك مامريتنااا
وزوجي ينحرج لما انا ارفض والله حاسه فيه

بس انا ماارتااح لما اروح عندهم لانهم اساسا مايبغوني بس كله علشان النونو وانا والله العظيم ولا كلمه يقلونها لي ولا شخبارك حتى ..؟

وام زوجي بس تقول النونو يشبه ابوه ووشفوو عيونه والله كأنها عيون ابوه وكل يوم يتكرر لي هالمواااال
مع انو النونو والله العظيم مايشبه ابوه ولا آخذ منه شي واحد لانه جميل جدا الله حفضه لي
وانا ماتجيب خبري ولا طاري ومن كلامها كأنها تقول أنو انتي مو حلوه طايحه من عينها وولدها آحلى مني بكثير مع ان العكس صحيح

آحلفلكم بالله هالكلام يتكرر بشكل يومي ويمكن بالجلسه تقوله مرتين لـ 3 مرات حتى حمواتي آستغربوو


الشي الي ابغاكم تساعدوني فيه
كيف اتخلص من الطلعه عندهم واقتصر الزيارات إلا يومين بالاسبوع دلوووني باأسلوب حلوو اقنعه فيه
لما يقولي أبوي او اختي يبغوو النونو مشتاقين له
انا معروفه دبشه بالكلام يعني اقوله مالي نفس او ماابغى
يجي يقولي طيب لبسي النونو انا بوديه لهم وانا ماابغى هالشي لان هم يبغو هالشي ولا ابي اعودهم عليه فاأظطر اروح لانه منحرج منهم مايقدر يرد لهم طلب او يقول لهم لا

إذا يبغى ياخذ النونو إيش أقوولوو ..؟ اقول له لا واذا لا لازم السبب لان زوجي تحقيق :(
لان مره اخذوو مني وطووول عندهم اخاف النونو بكرا يكبر ويتعود ويكرهني يبغاهم

وخلصوووني من أبوووه واخته الي شايلهم همهم وكيف اتخلص منهم بكثراً طلبهم لهالشي
بالله عليكم ساعدوووني والله أني ابكي قهررر كل يوم لما يقول يلا نجلس شوي عند أهلي وانا عارفه مو شوي إلا بتنقع عندهم أجلس 6 او 7 ساعات او اكثررر اذا جا بياخذني قالو لا لا لسا بدري :eek:

ياربي والله من جد شايله همهم بس