المشكله انه اصغر مني بسنه وآقصر مني

السلام عليكم ورحمة الله وبركاته

اخبآركم يابنآت ان شاء الله بخير
انا بصراحه اراقب المنتدى الرائع من بعيد ولقيت عندكم روح الاخوه والتعاون
وانا حابه اطرح اول موضوع لي واتمنى الاقي منكم المشوره الشآفيه لي

انا بصراحه ببدئ بالموضوع على طول وودي برايكم لاني بصراحه ماعندي اخوات ولا عندي احد آخذ رايه بالموضوع
وبصراحه ضايق صدري

انا خطبني ولد عمي وانا رفضته هو بصراحه مافيه شي يعيبه
بس المشكله انه اصغر مني بسنه وآقصر مني
واهلي مصرين عليه وانا ماآبغاه وصليت صلاة استخاره ولا ارتحت وحسيت انه ماابغاه
بس الوالد الله يهديه مصر عليه وهو الحين ضايق صدره مني
بس والله يابنات حاولت كثير اتقبل الفكره بس ماقدرت ولا ابغى اتوزجه بس اهلي كثير ضايقوني

اتمنى منكم النصيحه وش اسوي واللي عندها مثل تجربتي او متزوجه واحد اصغر منها تقولنا رايها
وياليت الاقي منكم ردوود

الله يجزاكم خير يابنآآت