المشكله في الزوجه الاولى .................

السلام عليكم
اشلونكم ان شاء الله يخير

ببدأ على طول
نحنى مكونه عيلتنا من خمس بنات ما شاء الله و ولد واحد يعني اخوي وحيد امي وابوي
المهم اخوي هو الثاني قبله بنت والباقي بعده والحمد لله كلنا متزوجين ومخلفين
اخوي اتزوج من عشر سنين وللحين ما جاهم عيال والسبب من زوجته
وخلال هالسنوات تحاول تتعالج بكل الطرق من اعشاب وادويه وما خلو دكتور الا وراحوله علشان تتعالج
وفي الاخير سافروا للاردن علشان يسون علية طفل انابيب بس للاسف ما نجحت

وبحكم انه هو وحيد اهلي وما عندنا ولد غيره اقنعته امي وابوي انه لازم يتزوج وحده ثانيه
يبون يشوفون عياله
والمشكله انه كل ما خطبنا وحده توافق ويوافقوا اهلها بس بعد فتره يتراجعوا بسبب لانه متزوج
ويشرطون يطلقها نقوم حنا نرفض لانه حرام يطلقها هي ما لها اي ذنب وما نبي نظلمها
والحين خطبناله وحده وافقت ورضيت انها تجي على ضره بعد اسبوع اتراجعت تقول هي تبغاه بس ماتبي زوجته
مع انهم راضين وهي بعد تبغاه واهلها فرحانين بس هي خايفه ومو راضيه تقتنع يا اما يطلقها ولا ما في نصيب
والمشكله كل اللي نخطب من عندهم هذي حجتهم الزوجه الاولى ما يبونها
واخوي متمسك فيها يقول ما بيطلقها لانه ما يبغى يظلمها
وامي محتاسه وارتفع ضغطها من كثر ما تفكر