المشكله منهي فيه ياناس

سلام عليكم
كيفكم بنات
مشكلتي مدري انا حساسه زياده ولا الناس ماتحب الا نفسها
انا عايشه بيتي ولله الحمد مانقصني شي بس اذا صار عند احد اقاربي عزيمه اجيه حتى لو مافيه عزيمه اروح لهم لبطيت عنهم واصله فيهم كللللهم سوا اهل ابوي او اهل امي او اهل زوجي وذا صارت عندي عزيمه ماخلي احد فيهم ماعزمه محد يجيني حتى امي وخواتي نادراً يجوني وذا صار عند امي عزيمه اسوي عندي كذا طبق وروح لها لان امي ماتعرف هالسوالف او اروح لها بدري وسوي كلشي عندها المهم
امس صايمه رحت لهم وفطرت عندهم وبديت ارتب القهوه لضيوف امي راحت تتسبح ووتبخر وخواتي كل وحده دخلت غرفه وسكرت على نفسها يلبسون ويحطون مياكب وانا جلست بين المطبخ وترتيب الصاله لايعفسون البزران وعيالي ملبستهم وانا ماسويت شي ولما خلصوا وطلعوا جلسوا ينتقدون ترتيبي لطاوله وليش جايبه هذا وليه ماجبتي هذاك صراحه نقهرررررررت فوق مانا مسويه كلشي ومالبست بزراني ولا لبست وهم كل وحده طالعه علي كنها رايحه لعرس جالسين ياهوشوني ولما تكلمت قالت لي امي انطمي ولا ذلفي لبيتك ليه كذا يالغاليه ...!! لو انا وحده من خواتي رحت وتزينت وماسابت عن شي بتقولي كذا ولا ! المهم اخذت عيالي ورحت لبيتي ودمعتي على خدي محد يجيني وذا وجبت وقمت لهم قالو تبي المدح لها وذا زعلت من حركاتهم الي تنرفز قالوا يالنفسيه ماتتحملين شي بالله الحين وين الغلط في ولا فيهم !!