الله يعوضك حبيبتي naa4000وبس00يارب وتحملين بالتوائم الي يفرحون قلبك يارب000
العسل جربناه وفاد لكن مو الفايده المطلوبه لان حركة الحيامن 20 في الميه ومتذبذبه00
الله لا يحرمنا يارب000

حبيبتي انا نفس الشي عند زوجي قعد فترة على ادوية وفيتامينات يمكن 4 شهور صارت الحركة زينة واللزوجة راحت لكن العدد من 18 مليون الى 10 ملاين الله يصبرني ان شاء الله ويرزق كل محروم يارب بالذرية الصالحة

وانا كمان نفس الحال
الحمد الله عل كل حال

زوجي عندة قلة في الحيونات المنوية عددها مائة الف فقط

والهرمونات تمام الحمد الله
عمل تحليل مرة واحدة ما ادري فية شئ ثاني او لا

استخدمة عسل واعشاب لي زيادة العدد بس خلاصة من اسبوعين

وما راح حلل كل ما اقول حلل يقول بعدين مشغول وتعبان من الدوام

الله يكون في العون

ان شاء الله يحلل هذا الاسبوع واطمنكم

ياارب يرزقنا عاجلا غير اجلا

انازوجي نفس الشيء_وتعبنا من الادوية والأعشاب والابر_والعدد يقل
والحين بنجرب اطفال الأنابيب_بإذن الله
لكن نصيحه يابنات_لاتضيعون وقتكم بالعلاج
انا ندمانه اني ماسويت الأنابيب_اول سنة بزواجي_

هذا رد لي في أحد المواضيع المشابهه لموضوعكم .. وفيه أحد الأخوات تشكي من زوجها فحبيت انه يعم الرأي واللي يعجبكم فيه خذوه واللي مايعجبكم خلوه.


السلام عليكم حبيبتي وأختي نسيم البشاير..
الدعوه:الله يرزقك ويقر عينك ببر ابنائك لك من زوجك هذا اللي اسأل الله ان يسخره لك ويشفيه ويعافيه ويرضى عليك وعليه ..

النصيحة: شوفي حبيبتي انت تعرفين مليون بالمية ان زوجك ابتعد عنك لأنه هو السبب في عدم حملك وعدم انجابك الطفل اللي قرح به هو وياك!!! (يعني مو انت لحالك اللي تحتاجينه)
وابتعاده هذا صدقيني انه راح يكون مؤقت الين ماانت تبردين وتسمعينه كلام هو بحاجة انه يسمعه وهو جالس ينتظره منك .
الكلام هذا الافضل انك تكتبينه اذا زوجك يحب الكتابة واذا هوسمعي اكثر (يعني يحب يسمع )الافضل انك تقولينه له وجها لوجه.

قولي له انك تزوجتيه تبغين الحياة معه بحلوها وبمرها .. وانت مستعده تعيشين معه الحياة اللي ربي كتبها لكم .. لكن تقولين له في نفس الوقت الواحد لما يدري ان ربي مارح يخيب أملكم لما تسعون وراح يرزقكم وانه فيه علاجات كثير ممكن تجربونها ..فقولي له انا لازم اجربها وبعدها انا مستعده اعيش معك بحياة صافية بدون اطفال وبدون شي .. وتبسطينه وهو يبسطك وتملون حياة بعض .. والعوض عند الله ..لكن تقولين له انا ابغى اسعى للشي .. ما ابغى اترك الدنيا تمشي بدون ما اسعى للشي اللي يسعدني واتكتف واقول والله انا ربي كتب لي اني ما انجب ولا طفل واذكري له حالات واطبعي له قصص الحريم (خليه يحس انك عندك شي مو بس تقولين نجرب وبس).
بعدها اشرطي عليه الوقت اللي تعالجون فيه وانت شدي حيلك بالدعاء وقراءة القرآن و بالاستغفار وانصحك بقراءة الموضوع المثبت عن الاستغفار تراه هو الكنز الاول والاخير والا ترى اللي احن نسويه مجرد اسباب والا الاساس تراه القرب من ربي لأنه هو الخالق وهو اللي يقول كن فيكون..سبحانه

بعدين انت سوي لك جدول علاج لمدة 6 شهور او 8 شهور وممكن توصليها الى سنة علاج تراها حقك ولاتظنين انك تطلبين شي مو لك.

واذا وافق بإذن الله وجا بعد ومل وقال لا خلاص ملييييت .. لازم تذكرينه بحقك وانك تبغين اطفال وممكن تكبرين الموضوع الى انك تقولين له انك تبغين تنفصلين عشان كل واحد يشوف طريقه ويشوف حياته لأنك بدون الاطفال ماتقدرين تعيشين..
بس لاتقولين له هالكلام في الاول (انتبهي)

بس عشان تكمل النصيحة... خلي هالكلام بعد شهر وفي خلال هالشهر نسيه انت كلللللل اللي راح واتدلعي عليه وتذكري ان المرأة هي اللي تخلق الاجواء الرومانسية وهي اللي تبدأ بها.. خصوصا في مثل حالتكم.
وبعد الشهر اذا شفتيه قرب لك شوي كلميه في الموضوع وتذكري ان الامر جرح بالنسبة له ومو سهل عليه وصعب جداجداجدا.. فانتبهي في اختيار الالفاظ.

والله يقويك,,
واتمنى ان النصيحة اعجبتك ووالله ان فيني نووووم وظهري بينكسر الا شوي بس قلت مارح اطلع الا وانا راده عليك.

تحياتي,,