ضيفو المفيدين فقط والباقي طنشوهم ماحب اضيع وقتي على ناس فاضية
ولابعضهم تتفلسف بالنظافه وعندها شغالتين مو وحده
وحنا نندب بيوتنا ووساختنا كيف مانصير زيها
مالنا الا نبعد عن متابعتهم فقط ناخذ المفي

عااد مايجلطني الا البنات اذا اجتمعن على رجااال مشهور عيب استحو على وجيهكم لو هي مره اشوى .. بصراحه النوعيه هذ همج

اترك كلامك كله على جنب يهون عند.. الي يحسسك ب كمية الانحدار والتفكير الغلط والثقه العمياء في غير محلها
لما تكون وحده ب السناب مسؤولة عن الطبخ فقط تلاقي المتابعين يسألونها عن حياتهم وعلاقتهم مع عيالهم كيف تكون ومشاكلهم يبونها تحلها وكمان استفسار عن خلطات للعلاج وغيرها !!! وين وصلنا مع انهم عارفين انها مو طبيبه ولا أخصائية نفسيه .. مو معقول وكمان الي يضايق ان المشهوره هذي تعطيهم نصائح وغيرها جايبتها من المنتديات !!!!

والله العظيم انك صااااااادقه
يابنات مشاهير الانستقرام وغيرهم تابعوهم للفلة بعض المرات اما سالفة تصدقوهم في كل شيء كأنهم انبياء وتموتوا عليهم ليييييييييييييييش مين هم اساسا ؟؟؟؟؟؟؟؟؟
زي وحده مشهورة كانت تمدح بروتين ومعالجات لشعر,,وتقول يابنات جربوه مرررره نافعني ولاتجربوا العلاج الفلاني لانه مانفعني
يعني بالله اذا نفعك بينفعنا!حاطه نفسها المقياس وبعدها بسنة تقريبا تقول ندمت اني سويت المعالجات الفلانيه لشعري وشعري طااااح مررررة
ما كأنها كانت تمدح المنتج وتطيره من المدح؟!!!!!! طيب والحريم الي سمعوا نصايحها ومصدقينها ايش وضعهم ووضع شعورهم؟؟


ووحدة تقول تعرف مشهورة من قرابتها اعلنت لمنتج لشعر وتقول البنت ان شاء الله بشتري المنتج
قالتلها قريبيتها المشهورة لاتشتريه مامنه فايده بس جاني اعلان وسويته!!!!!!!! حسبنا الله بس مافكرت بالناس بس همها فلوس الاعلانات


والي تسوي نفسها دكتورة وتعطي ادوية وخلطات من راسها وهي ماعندها سالفة
ووحدة قالك تحل المشاكل الاسرية بصفاتها ايش لا شهادة ولا تخصص ولا علم ولا دورات
والحريم طايحين عليها بالله ياحريم الي يصدقوهم ليش ماتفكروا ؟؟؟؟؟؟؟!


مو معنى كلامي انكم لاتتابعوا احد وتعتزلوا برامج التواصل الاجتماعي لااااااا بس فكري قبل تصدقي اي شيء
وغير كدا الي معجبات بطفلة ايش وضعهم مرة دخلت حساب طفلة مشهورة من الاكسبلور
والله لايوريك المشادات والسب في التعليقات الي يمدحوا الطفلة مدح ومطيرينها لسماء ومسمين نفسهم فانز والي ينتقدوا
ودخلت لبعض الحسابات وطلعوا امهات وحريم كبار بالله موعيب تكوني ام وتصيري فانز لبزر ومكرسة وقتك وجهدك وتتهاوشي وتسبي وتلعني عشان طفلة مادرت عنك واهلها مخلينها وسيلة لشهرة والتكسب من الاعلانات.


لو بكتب لبكرة مايكفيني من الي شفته الله المستعان
شكرا ياصاحبة الموضوع على طرحك لهذا الموضوع المهم

• أنا مادري وش الإضافه العظيمة اللي قدموها الأطفال المشاهير والمشهورات للعلم والإنسانية..!!!!!! مقضين وقتهم على إعلانات أغلبها مافيها مصداقية...!!!!! الحمدلله أنا شخص واعي وفاهم وأعرف أنقي وأختار مايحتاج هالكم البغيض من الإعلانات... !!!!! فعلا للأسف شعبنا أغلبه فاضي لو مخترع ولا مكتشف ماحد درى عنه ولاحد استقبله ودعمه...!!!!!!