المشهوره بفطايرهاااا تدخل وتنقذني

وعليكم السلام حبيبتي انا فطايري كل من ذاقها اخذ طريقتها
المقادير : كيس طحين الكويت . ملعقة ونص خميرة . فنجال سكر . رشة ملح . ملعقتين حليب بودره . ملعقة باكنج باودر . نص كاس زيت . اثنين ونص كاس مويه . حطيها كلها في العجانه وخليها تعجنها واذا خلصت حطيها في طاسة لتختمر تقريبن عشر دقايق . انا اسويبها كل انواع الفطاير كروسان . بيتزاء . زعتر . خضار . فرموزه . سنابون . خلية نحل . اي شي يخطر ببالك تصلح هالعجينة ونشالله كل من ذاقها بيمدحها ويطلب طريقتها واذا اعجبتس ادعيلي

اذا طلعتيها من الفرن وشفتي ان الكمية كثيرة تقدرين اتفرزنينها صفيها في صحون بلاستك ولفيها بالتغليف النايلو زين ودخليها الفريزر ومتى ماحتجتيها بس طلعيها وحميها بالميكرويف واذا ماعندك طلعيها من بدري الين يذوب الثلج ودفيها شوي بالفرن وسلامتك اتمنى افدتك

راح اساعدك حتى تدعين لي ان ربي يسهل ولادتي ويجعلها بردا وسلاما
والمقادير
2كاس دقيق الكويت
و1كاس ماء او اقل
و2ملعقه سكر ورشه ملح وملعقه كبيره خميره فوريه
وربع كاس زيت
الطريقه
حطي المقادير جميعها مع بعض الا الماء وافركي الدقيق بالزيت حتى يتشربه ثم صبي عليه الماء بالتدريج واعجني حتى تصير العجينه لينه شوي ماتكون يابسه وكل ماطولتي في العجن كل ماكانت العجينه احلى واتركيها نص ساعه ثم افرديها على مكان مرشوش فيه دقيق وقصيها دوائر وحطي جواها قطعه جبن مثلث واثنيها حتى تكون مثل نص الدائره وسكريها باطراف اصابعك وادهنيها بصفار بيض او بزيت وحطيها بصنيه ودخليها الفرن من تحت ثم من فوق ثم طلعيها وحطيها في حافضه فيها ورق نشاف وغطيها حتى ماتيبس
وترى هذي طريقتي المعتمده وحلوه جدا واصلح منها جميع انواع المعجنات
وممكن انك تزيدين المقادير مثلا لكل 4اكواب دقيق 3ونص ما واربع ملاعق سكر وبكذا راح تضبط عجينتك ولاتنسين تدعين لي

سوري غلطت لكل 4 اكواب دقيق 2 كوب ما يعني الماء يكون نص مقدار الدقيق

السوائل اخليطها بخلاط الطماطم مع الخميرة لمدة 5 دقائق تقريبا ثم صيبها في العجانة وابدئي عجنها مع الدقيق
أهم شي الدقيق تضعينه على دفعات قليلة حتى تتشرب كل دفعة السوائل ثم تضيفين الدفعة الثانية لتبقى فطائرك طرية
وبعد فردها اتركيها في الصحن 10 إلى ربع ساعة ثم دخليها الفرن
وبعد ماتطلع من الفرن غطيها بفوطة لمدة 10 دقائق تقريبا

** وعن تجربة كنت أنا وأختي نصلح نفس المقادير وتطلع عجينتها طرية وعجينتي يابسة ولما بحثت عن السبب عرفت أنها تحطه على دفعات وجربتها والحمد لله ضبطت
ولو تحطين الدقيق على ملعقة ملعقة يكون أفضل بس لاتضيفين الدفعة الثانية حتى تختلط الدفعة الأولى