المشورة يا خواتي الولد انجن مدري انا انجنيت

السلام عليكم خواتي
عند موضوع اخوي مؤرقني مدري كيف افكر عدل
انا اخوي فضفضلي يقول يبي يتزوج قلتله هذي الساعة المباركة
بس هو يبي بنت تزوجت من قبل وجلست مع زوجها الاول كم يوم وطلقها مادري شنو مشكلتهم بالضبط بس جارتنا صديقة امها تقول انها خافت منه لانه مركب رجل صناعية وغني وشايف نفسه المهم ماندري هو جاها ولا لا وضربها بهذيك الأيام وبهذلها المسكينه
البنت طيبة وجميلة واخوي خاق مع مواصفاتها وامها حيل طيبة ونسيت اقولكم مشكلة اخوي شي ثاني انه هي البنت تقدم لها واحد هي تبيه وهو يبيها وتمشكلوا مع ابوها ولا زوجهم علشان الغني ابوها مرة مصلحجي
اخوي يقول البنت حلوة وحاس انها بتناسبني هي مزيونه صح مشكلتي خايف انها بقلبها شي للاول وأخاف اتهور ويطلع ضني بمكانه او اتعب وابهذل بنت الناس أشك فيها مايجوز غير انه اخوي قاله انتبه تفكر تتزوج من عندهم أبوها جشع وليه تأخذ وحدة مطلقة انت مليون بنت تبيك ماناقصك شي لا مال ووسيم وإنسان فاهم ماشاء الله عليك مع صغر سنك (طبعا كلام اخوي الكبير منطقي وصحيح اخوي كل بنت تتمناه مواصفاته حلوة )
والله حيرني يقول حاس انها الزوجة الصح يقول قلبي يقولي ضحكني مع انه مابعد شاف زولها ولا زارهم ولا يعرف اهلها بس كله من خالتي سولفتله عن البنت وقصتها
اعذروني متلخبطة بس شرايكم
الولد يبيها من خاطره بس يقول يمكن يقولون تزوج مطلقة وأمي مابتفرح فيني بتضل فرحتها ناقصة دام ولدها خذا مطلقة وش نسوي بحكي الناس تعبونا معهم وخايف من قلب البنت ليكون فيه شي للشخص الاول
اخوي يكلمني وهو مندفع بس يبيني اعطيه اعذار حتى لو اكذب بس علشان يرضي نفسه يعني يكلمني وهو يبيني اقوله لا ماعليك وخذها كأنه مايبيني اصدمه واكلمه بالعقل
مع انه انسان فاهم جدا وطيب وحنون ووسيم والفلوس الحمد لله ربك معطيه على صغر سنه بس ابوي الله يحفظه يعتمد عليه وعنده دخل بس مدري شالحظ مايبي إلا هالبنت
بس لو اقنعته بالعقل اقدر ارجعه لو قلتوا لي ارائكم يمكن اشوف الموضوع من زوايا كثيرة
افيدوني الله يجزاكم خير مابيكم توقفون
الحرف الساكن ارجوك من الحين مانبي ضحك الموضوع جد 😀