المشيمة نازلة شوي .. شو يعني؟ والبنت بيكون فيه شي بين الرجلين؟؟؟

السلام عليكم

هلا انا بادخل الشهر الخامس بعون الله يوم الاربعا
رحت امبارح على الدكتور
قلت له بيوجعني من تحت بين الفترة والتانية وانا واقفة باتعب
مع انه شغلي كله وقوف وفي البيت دايما حاملة ابني
قال لي لانه المشيمة نازلة شوي
قلت له يعني معي هبوط في المشيمة؟ قال لي قلت لك نازلة شوي وهيي الللي بتتعبك
قلت له وضعها خطر قال لي الشهر الجاي بيبين اكتر

انا ارتعبت من الموضوع
وبقيت خايفة مع اني رايحة لانه مفلوزة وباسعل وادناي بتوجعني نسيت ليش رايحة وما حكيت له :(

كمان سالته عن الجنس
فقال لي استني نشوف
ضل يحرك ويحرك
وبعدين قال لي مش مبين منيح
قلت له يعني بنت؟
قال لي بنت فرد عليه زوجي قال له بدها حد يقول لها انه اللي في بطنها بنت
فقال لي هوي والله اعلم بنت
بس ما باقدر ااكد لك
وصار يقل لي شوفي هون وهون
انا شفت شي بارز بين الرجلين او انتفاخ ما ميزت
هيك بنت او ولد؟؟؟
يعني ما فهمت عليه لاني مرة قرات هون انه الانتفاخ معناه بنت

انا مش فارقة معي شو الجنس
بحب تكون بنت لو ولد مش فارقة المهم يكون تام الخلق والخلقة