المشيمه نازله عندي ساعدوني بنصايحكم

سلام خواتي
انا اليوم رحت للمستشفى وسويت سونار لاني من فتره ماعاد حسيت بحركه الجنين وخفت يكون فيه شي بس الحمدالله اول ماحط الجهاز سمعت صوت نبض قلبه فديته ربي لك الحمد قسم ماتتخيلون فرحتي دموعي انزلت حمدالله انه بخيررر
بس الدكتوره قالت لي ان المشيمه نازله
وصرفت لي فيتامين اسمه فيتا للسيدات وش رايكم فيه
وحبيت اسالكم هل نزول المشيمه خطر مره وكيف ترجع مثل اول
انا بكريه وهذا اول حمل واللحين في بدايه الخامس
وخواتي ابي اسالكم انا قبل فترة احس بحركه الجنين دايم احس برفسه بسيطه جداا واحيان احس بحركات بسيطه خصوصا لما انام وكنت وربي استانس لما احس بحركته بس من اسبوع واكثر وانا ماعاد حسيت ابدا باي حركه عشان كذا خفت يكون فيه شي ورحت اكشف بس الحمدالله النبض موجود والدكتوره نقول عادي لو تأخر مايتحرك ابي اسالكم هل عادي كذا اولا يعني فجاة ماعاد احس بحركته بس قلبه ينبض
وعلى فكره خواتي الحركه ماعاد حسيت فيها بعد ماصار زوجي يجامعني لمده اسبوع هل الجماع له يأثر بحركة الجنين
وابي نصايحكم ربي يسعدكم عن نزول المشيمه وش اسوي وايش اكل وايش الاشياء اللي ابتعد عنها
ادري طولت بس تحملوني خواتي ربي يسعدكم وربي مالي غيركم اساله
وادعولي اولد بالسلامه ويتمم حملي على خير❤