السلام عليكم ورحمة الله وبركاته
خواتي بستشيركم تكفون عطوني رايكم والله اني في حيرة لايعلمها الا الله ولدي من بداء يمشي وهو على اطراف اصابعه بس يوقف طبيعي وتوازنه تمام الحمد لله بس عرضت حالته على المستشفى وسووا جميع التحاليل والاشعات وقالو سليمه ياااااااااااااربي لك الحمد والمنه وحولوني على دكتور اعصاب استشاري ورحت له اليوم وقال ابد العصب مشدود بكرة تجيبينه ادقه بابره على طول سيقانه الثنتين ونجبرة لمده 3 او 4 اسابيع وانا محتارة وهو يقول مالها اي اضرار ابد بس ترخي الاعصب تكفون جاوبوني
يلزم عليك تسجيل الدخول أولًا لكتابة تعليق.
كل عيالي كذا من آثار المشايه كانك تحطينها فيها واول عيالي عرضته على دكتور وقالي العصب اللي ورئ رجلها قصير وبنسويلها عمليه وخفت ورفضت ومع الوقت تحسن والحين عمره ماشاء الله 5 سنوات مافيه الا العافيه
عادى وانا اختك لا تخافينعادى وانا اختك لا تخافين
كانك تتكلمين عن ولدي والحين عمره ست سنوات وزياده وباقي يمشي على اطراف اصابعه لدرجة اقدامه من ورى متجرحه من الثقل والظغط عليها وديناه لدكتور ممتاز في الحبيب استشاري عظام وقال عنده قصر في الاربطه ورى الساق ويبيله علاج طبيعي ثلاث مرات في الاسبوع لمدة ثلاث شهور واذا مانفع يعطيه ابرة بوتكس تريح العضله مدري وشو واخر شي العمليه الله لا يقوله بس هو يقول العمليه جدا سهله والدكتور سعد المحرج بس ابي اسال له دخل نقص الاكسجين لان ولدي يوم ولدته تقول الدكتوره الحبل السري كان ملتف عليه وجبته قيصري وهو مجننا مره احسه ذكي جداااااا وغبي في نفس الوقت ونشاطه زايد هو شاطر في المدرسه بس غير محبوب وعنيف وسهل الاستثاره ودايما زعلان ومطنقر ولا يحب يبين سعادته اغلب الوقت تكفون ساعدوني اللي عندها خلفيه ترد علي
تكفون اللي يعرف
يعني اروح بكرة وادقه بالابرة او لا لان الدكتور مافيه الا بكرة او لازم موعد ثاني وننتظر 3 اشهر متى مايلحقنا الدور
يعني اروح بكرة وادقه بالابرة او لا لان الدكتور مافيه الا بكرة او لازم موعد ثاني وننتظر 3 اشهر متى مايلحقنا الدور
الصفحة الأخيرة
مدري ذكرتني باخوي كذا كان يمشي على اطراف اصابعه واخوي كان فيه نقص اكسجين اثناء الولاده واحنا غلطنا وسوينا له عمليات بس الحين صار مايمشي .. يقوم وكم خطوة وبعدين يطيح . وبعضهم قالوا علاجه طبيعي ..
الله يشفيهم .. وعن الابر هاذي مدري ...