أهلين ببنات حواء سويت مصابيب ما تحتاج تخمير سويها وصبيبيها وكليها .....:42:
المهم اعطيكن المقادير :
2/11 ك طحين بر
2/1 ك طحين أبيض
4/1 م ص B.P
ذره خميره
2 م ص سكر
ملح حسب الرغبه تبينه مالح ولا عادي
بعدين تضيفين ماء الى ما يصير العجين خفيف أخف من خليط الكيك
2 بيضه
وبصل اخضر مقطع صغير حسب الرغبه ...........بس حلاته بالبصل
وتخلطينهم زين ويصير جاهز بس اهم شي انه يكون سائل الخليط كل ما كان سائل سهل فرده على المقلى وهذي الصور ه بعد ما حطيت البيض والبصل الاخضر
وهذا الشكل النهائي للخليط
عاد تبدين تصبين مغرفه الا شوي على حسب مقلاتك او صاجك ولازم يكون ساخن المقلى ومدهون بقليل من الزيت تصبين على طرف المقلاة وتحركين المقلاة لحد ما يتوزع عندك العجين في المقلاة بهذا الشكل
شوفي تخلينه لحد ما تتحمر الاطراف
وهذا لما قلبته للجهه الثانيه
شوفي كيف متحمر
وأخليه لين يتحمر الوجه بهذا الشكل وتقريبا هذا الشكل النهائي للمصابيب حقتنا :)واحطها بالحافظه علشان تلين شوي لان بيكون الاطراف مقرمشه زي البسكوت
وهذي بالحافظه وبالهناء والعافيه
عاد انا احب المصابيب مع العسل وفيه ناس يحطون عليه سمن ولا زبده
اتمنى انه يعجبكم ويحوز على رضاكم