السلام عليكم
وش اخباركم
موضوعك جدا مهم
حضرتي اول مااتزوجت كنت استحي وخجوله مرررررررررررره ومااطلب من زوجي ريال ظليت كذا الى 3 سنين خلالها جبت بنتي الله يخليها لي من وين كنت اصرف .؟ (من باقي مهري كنت موفره 10 الاف ) وكان زوجي واهلي احيان يعطوني

وهذا اكبر غلط سويته بحياتي
اني عودت زوجي اصرف ومااطلبه
اول ماسكنت البيت كان فاضي رحت انا اشتريت ديكورات واجهزه
الخضار واللحوم كنت انا اروح اجيبها وهو مره يعطيني وعشرات لا
ومره قال لي تبي احط لك مصروف ؟ سويت نفسي بطله (من الغباء )وقلت له لا ابد انت ماتقصر وهذا وجه الضيف ههههههههههههههه
بعدين بديت احس ان الوضع صار صعب
صرت ابيع شوي من ذهبي :( وبرضوا كله والله خجل ودلاخه ههههههه
المهم هالسنة قلت ليلة 1432 رحت قبلها بكم يوم وقلت له اسمع ياعزيزي من بداية هالسنة اذا الله احيانا على خير وسلامه ابي مصروف طير عيونه علي واستغرب واستنكر وهاوش شوي بس ماعلي قلت له لا تحاول
اول كنت مستحيه الحين راح الحيا هههههههههههه فرضخ للامر الواقع وقرر يعطيني 500 وشوي
يعني بداية الخير قطره الله يهديه بس
النقاط الاساية يابنات وانسات تحديدا ابي تنتبهوا لها
شيلوا الخجل والحيا بالامور المادية الا لو كان وضعه المادي سيء يعني راتبه اقل من 5 الاف هذا وضعه صعب
اذا اعطاك لا تحسسيه انه خلاص حسسيه انك ممكن تطلبي منه مره ثانيه بعد فتره عشان لايصير يعصب وينافخ كل مره
قولي له زوجي انا مالي احد غيرك وحسسيه بأهميته واطلبي بأدب وعقل اللي يطلع منه قولي له هذا مو فرض عليك هذا تكرم وتفضل منك والله بيفرح مره وقوليها من قلبك مو بإستهزاء
الصدقـــــــــــــــــه ومايحتاج اوصيكم فيكم الخير والبركه
لا لشراء اساسيات البيت نصيحه بكره يتعود خلي هو يجيب انا كنت اروح واجيب الحين حتى لما يجيب يجيبها من دون نفس لان اتعود خلاص
هنا موضوع ان شاء الله يفيدكم جمعته قبل يومين للفايده وللميزانية وان شاء الله يكون مفيد للجميع وبالتوفيق يارب
والحمدلله والله يعينا بس ولاحول ولاقوة الا بالله
http://forum.hawaaworld.com/showthread.php?t=2805881

مااخذ مصروف بس وقت مااحتاج مايقصر ماشاء الله بحدود وضعنا المادي

بصراحه نقدت على اللي تقول شغاله ,الشغاله للعلم تعتبر موظفه وهذا راتبها وحقها وهذا كلام المفتي العام.


وبعدين تحديد المصروف شي طيب وفيه استقلاليه للمرأه
وكمان تحس بالمسؤليه اذا جت تصرف لان الزوج يتعب في
العمل وهي تاخذها وتصرفها بدون ماتحس فيه .طبعا الكلام
ليس للجميع و فيه حريم مشاء الله قدرو يبنون بيوت ويدخلون تجاره وهم موب موظفات وخالتي وحده منهم وانا
كتبت هالكلام عشان تعرفون المصروف مهم حتى لو كان بسيط بس اذا الوحده عرفت كيف توفر منه راح تستفيد لان
الزوج أو الاب موب دايم لها.

ماعندي مصروف