![][§][-~المتغـلية ~-][§][](https://cdn.hawaaworld.com/images/user_avatar.png){kind=avatar}
السلام عليكم
يسعد مساكم بنات
بنات الرياض ابشركم شريت لي اخيراً بعد كم دوره بالمحلات والاسواق الي للاسف خيبة امالي
" وبصراحه صايره مايجوز لي بالفتره الاخيره الا شغل المصممات احس بتميز اكثر ويلبس بالعيد وبحفلات ممكن وبعزايم كبيره يعني يكون عندي قطع البسها بكذا مناسبه بدون ماحتار واتوهق
ويعجبني مرررررره الغريب والمميز يعني يلفت الانتباه ومهما فكرو مايقدرون يقلدونه :30:
رحت لاسواق بشرى ودخلت مع خالتي محل لاحضنا بالفترينه كم تصميم غرررررريب وفيه شغل والخامات ماتدرين من وين جايبتها !
دخلنا وقسنا كذا قطعه والبنت تلبس لنا يعني تعرضها على نفسها لان الموديل مايبين الا ع اللبس
فاشريت انا قطعه جايه زي البلوزه سودا هاي نك صوف ثقيل مخطط منه وفيه يعني شي بارز شي عادي عرفتوا المهم ومحطوط بنص البلوزه هذي قطعه مربعه فيها طباعه على شكل بنت
ومتصل مع البلوزه مخليها زي الفستان نفس الخامه والطباعه الي ع الصدر وملفوفه على الجسم من ورا وادخل يدي بكم صغير محدد بقطيفه شكله ع اللبس مررره حلو وسعره جنوني
وش تتوقعون بـ 450 ريال
" ترا تصلح لبنات مو لحريم كبار "
خالتي حورمه < ويلي منها خذت
جلابيه زي موديل الفراشه اوك بنص يعني من بين الصدر الين تحت اخر الجلابيه على شكل معين شالكي وتربط من عند الخسر من جوا الربطه
بـ 500 ريال
واخذت قطعه ثانيه لونها اورنج تلبس وتصير زي البف بحزام عريض ياخذ العقل الشغل كله فيه
نازل منه زي الريش وخامات زي خامات الخيام < ابو الوصف مدري وش يسمونها
بس ع اللبس خيااااااااال
المهم بعد كذا قالت لنا ان للمصممه هذي محل ثاني توه مفتوح بمجمع اسمه السياحه مول جنب الفيصليه تخيلوا وحنا طاقين مشوااااااااار لبشرى :hahaha:
ثاني يوم رحنا لمحلها الثاني لقينا تشكيله اكثر ولقينا المصممه هناك حبوووووووبه مره ومضيافه
وخذو بنات خالتي منها اصغرهم عمرها 12 سنه يعني عندها قطع تصلح للصغار
يلبس زي اللبس الفرعوني ملفوف ع الجسم لونه بني نحاسي اورنج هالدرجات مخلوطه وقطعه جايه مايله ع الصدر الين الضهر بعدين عليه حزام عرررريض ذهبي صار ع البنوته روعه وتدرون اقدر البسه لو بغيت بعدين يعني كل ملابسها فري سايز
وعندها فستان يصلح اكثر شي مو لعيد لحفله عرس كذا فستان كامل جارسيه فوقه زي البلوزه بووف بقوه بس تدخلين الاكمام وباقيها ناازل عند الاوراك منها اوف وايت وبني ذهبي اشوف بنات خذو منه
وان شاء الله بعد العيد اصورها لكم < ياويلك منهم :hahaha:
بس حبيت افيد اي وحده متوهقه وتبي تخلص للعيد
وياليت اي وحده عندها محلات صاده كذا وفيها اشياء مميزه وحلوه خاصه اذ لمصممات تدلنا الله يسعدها نبي الي لهم محلات رسميه مو بيوت وكذا
وتصبحون على خير :26:
..
.
بس هاه لاتنسين تصورينهم بعد العيد وتسلللللللللللللمين