السلام عليكم ورحمة الله وبركاته
اول ما بدأت ***** الموضوع شفت الايه الكريمه(مايلفظ من قول الا لديه رقيب عتيد)
والله شهيد على كل كلمه اكتبها الموضوع لا منقول ولا شي اختكم مزعجه تكتبه بين يديكم
والمثل يقول كل واحد عقله براسه يعرف خلاصه ما ابي فايده ولا لي مصلحه الا اني حبيت انبهكم وانفعكم
وما بيني بينكم معرفه يعني لا تجي وحده تقول وتتفلسف وتعارض انا اكتب لكم تجربة خمس بنات وانا منهم
لخلطة المصنع المكسيكي في المدينه :
ولا تقولون حسد والله ثم والله اني مسؤله امام الله وعارفه الشي هذا واللي عندها سؤال لايردها الا الكيبورد
انا اشتريت الخلطه طبعا بعد اثنين اعرفهم في اللي خلاني استعجل فيها اني شفت النضاره والبياض بدأ بعد اسبوع واسبوعين الاولي وجهها اتنفخ وصار شي خيال وبياض بحمار وهي اصلا"فاتحه بس مو مره وكانت في قمت سعادتها الثانيه سمرا وبدت تفتح يديها وصدرها ووجهها ماصارت تحط الا روج وواقي لما تخرج لانه ما يحتاج
شكلها كمان حلو من رحمت ربي اتاخرت طلبيتي لان التحويل ما تم بسرعه اول ما بديت انا استخدم الخلطه وهي مثل ما تعرفون ب1500وهو مبلغ كبير على اللي دخلهم متوسط صارت تشتكي الاولى انه وجهها تحس انه تنفخ بزياده وكأنه مو طبيعي ولما تلمسه تحسه قاسي والله انها سألتني وشفت انه غريب وملفت لكني ما حبيت ازيدها قلق قلت لها حللي ان شاء الله مافي شي
وحللت وطلع عندها املاح زايده وجرثومه وع انها معروفه عندنا بان المويه ما تستغني عنها دايم لما تخرج في شنطتها يعني تشرب بكثره
ومع ذالك ما وقفت اتوقعت انه ماله دخل
بعد فتره صارت منطقة الكتوف عندها غريبه تعرفون جلد النمر مثله بس صغيييييير مره شكل غريب ما اقدر اوصفه اسهل من كذا
الثانيه السمره ورتني ساقها تعرفون تشققات الحمل الخطوط البيضا مثلها بالضبط الساق كلها من الخلف وصدرها طلعت لها حبوب بنيه كان زيت مغلي منفجر في صدرها
اول ما شفت كذا خففت استخدام لاني خفت ...والحمد لله اني ما طولت هم استخدامهم شهرين تقريبا
الاثار اللي كانت علينا الخمسه طبعا الرابعه مثل معانات السمره الثانيه الا انها يدينها تقولي لاني ما شفتها تواصلنا بس بالفون كانها مجرحه ورجولها منقطه بنقط بيضا وهي سمره يعني شكلها موزين
الاعراض المشتركه ان اماكن المباطن في الجسم تبيض بطريقه صارخه لانها تعرق ومكتومه واللي حواليها غامق يعني بدال ما تكحليها تعميها اي احد يلاحظ انها غريبه ومو حلو شكلها
وهي الابط خلف الركبه تحت الصدر خلف كوع منطقة البكيني والله انهم كلهم بشتكون انهم ما اعاد يقدرون ياخذون راحتهم قدام رجالهم
نجي للخامسه والله الخلطه والحق لله خلتها قشطه وحمره واي لمسه يحمر المكان لكن للاسف طلعت لها بقع مثل البرص الله يحمينا ويحميكم
والله الذي لا اله الا هو ما اكذب
كلمت وحده منهم المسؤله في المصنع وقالت لها عن الاشياء اللي صارت خاصه انها قبل حلفتها وقالت طبيه ولا لها اي ضرر طبعا كما تعودنا انكرت وقالت مستحيل خلوها تروح لدكتور تشوف هو ايش
تجربة 5 والفلوس الله يحاسبها عليها حساب عسير لان هذا نصب ويجعلها في حالة الاخت اللي طلعت لها البقع
وما تتهنا
انتم بكيفكم حبيت ارد على كل وحده تسأل عن خلطة مكسيكو او المصنع المكسيكي اوخلطة البياض الصارخ
واتمنى منكم تدعون بالشفاء العاجل للاخت وتدعون لي بالخير والرزق والسعاده وصلاح الزوج والولد
اختكم مزعجه
واي احد بيتقل الموضوع مسموح سواء ذكرت مصدره ولا لا والله الرعب اللي شفته من البقع راحمة كل الاخوات يمر عليهم
مزعجه121 @mzaagh121
عضوة جديدة
يلزم عليك تسجيل الدخول أولًا لكتابة تعليق.
أم حـــاتـــم
•
جزاك الله الف خير على التنبيه
رتاجا
•
الله يجزاك الجنه يارب
حــــــــــــــــــــــــــــــــــرام بنات واجد متحمسين يستخدمونهاااا حسبي الله عليهم
حــــــــــــــــــــــــــــــــــرام بنات واجد متحمسين يستخدمونهاااا حسبي الله عليهم
خيتو ياليت تحطين رقمهم عشان نعرف وننتبه الله يجزاك خير لان ممكن وحده من وحده تنصح فيها وما نكون عارفين انه نفس المصنع اعطينا الرقم الي انتي تتصلين عليه
الصفحة الأخيرة