المضحك والبكي في بعض البنات من دون زعل

المضحك المبكي في الكثير من البنات بدون زعل \هذة حقيقة للاسف

--------------------------------------------------------------------------------

....... يقال شر البلية مايضحك وهذا ماشفتة وقد يكون شافوه غيري من البنات من مواقف تضحك وهي تبكي في الكثيرات منا وسوف اذكر لكم البعض منها :

(1): وحدة ربي يهديها ماشية في احدى الاسواق حاطة سماعة الموبايل مع السبيكر امام فمها وخذ ياضحك وصوتها يسمعها اللي في السوق الرايح والجاي وهي ماهي حاسة اختنا هداها الله ورايحة في انسجام في صورة مضحكة ومبكية .

(2): وحدة لابسة بشت مدري هو بشت او موديل فستان لازق فيها ومطرز يعني ملفت اكثر من الفستان وداخلة السوف وعطرها يشق الخشم من امتار!! ويقولون لية الشباب يزعجونا ويضايقونا ويرقمونا !!! وانا اقول اذا لم تستحي افعل ماتشتهي وبس .


(3): ياشين بعض البنات اذا طلعن في بعض البرامج يبون يهدون غنج وصوت مايق يحوم الكبد وكلام يفشل مع المذيع او الضيف وفعلا الواحد يطفي الجهاز التلفزيون من الخجل خاصة في البرامج اللي تطلع في الفضائيات في بعض الدول العربية او الخليجية .

(4): بسال بالله عليكم هو التعري اصبح موضة اللي مو مصدقتني تروح تشوف البعض من البنات في الزواجات اللي مطلعة صدرها او ظهرها او ذرعانها شي يبكي لدرجة الضحك لا والمصيبة نشوى العدوى وصلت للمتزوجات اللي نقول عنهن عاقلات واللي يضحك انهن شيون وطالعات كذا يعني زي مايقول المثل شين وقوي عين .

(5): ياشين البعض منا من البنات اذا بغت تسوي انها متطورة تشوفها في احدى المطاعم للوجبات السريعة وشفها وهي تكلم الفلبيني وهي تقول لة : بليز قف مي ون عسكريم ( هههههههههههههه) والا تقول لة بليز ون موية (هههههههههههههههه)
الله يرحم التطور ز

(6): تصدقون لو ان النساء اصبحن يسوقن سيارات في بلادنا كان تشوف الفضائح والسياقة اللي هي في الشمال وهن في الجنوب لا عاد شوف واضحك وتحمد الله ومااقول الا الله يقوي كل من رفض هالفكرة لانة عندنا سياقة كارثة عزت الله ان طريق الملك فهد بيعقد الواحد فية ست ساعات والسبب وحدة منا قاعدة تسوي مكياجها ومنبشر الكفر والجايات من الفضائح اكثر من الرايحات . واله لاتبلانا .
_7 لبس البنطلون الضيق والمزركش وهي رايحة السوق 8وضع المكياج العيون الخاص للسوق وبعضهم يروحون الصالونات عشان كذا والله المستعان________________
قد انتقدك وقد تكرهني ساعتها لكن في النهاية سوف تدرك مدى غيرتي عليك ومحبتي لك منقووووووووووووووووول