شوفي يا امول بالنسبة ليكي انت اخواتك حاسين ان انتي اللي شايلة البيت بعد وفاة والدتك الله يرحمها و خايفين ان انتي لما تتجوزي يقع حمل الاب كله على دماغهم هما لان واضح ان انتي شايلة الموضوع ده عنهم
معلش انا باكلمك بصراحة بس هي ده الحقيقة
و انا رايي طالما ابوكي موافق شوفي حياتك و مستقبلك و حتى لو هما قاطعوكي مسيرهم يرحعوا يصالحوكي تاني و ابوكب هو ولي امرك اذا موافق اتوكلي على الله
انا كنت قولتها لواحدة صاحبتي قبل كدة في موقف زي موقفك و باعيدهالك تاني
مفيش حد هيخاف على مصلحتك و مستقبل غير اتنين
والدك و انت بس الباقي للاسف بيفكروا في حاجات تانية منضمنها مصلحتهم هما كمان لكن انتي و والدك بس اللي بيفكروا في مصلحتك لوحدك

و انا اسفة اذا كنت اتكلمت بقسوة و اذا زعلتي من كلامي اعتبري اني ما قلتوش

يا حبيبة قلبي يا رواء!!! قسوة!!! فين يا بنتي القسوة دي؟؟؟ طيب يا ريت كل القسوة تبقى زي قسوتك دي و انا استحملها و انا راضية. و الله ابدا يا رواء مش قسوة منك ابدا، انتي بالظبط أصبتي كبد الحقيقة زي ما بيقولوا، بس انا اللي كنت باضحك على نفسي دول الوقت و باحاول اتجاهلها او باختصار مش مصدقة انهم بالانانية دي و ممكن يفكروا بالاسلوب ده. دول حتى محترموش مرض والدي- اللي هو ابوهم برضه- و راحوا له يحاولوا يسمموا افكاره ناحية خطيبي عشان ياخد صفهم و ما كان منه الا انه رفض محاولاتهم و لله الحمد، قاموا راحوا لاخويا الاصغر- ضحيتهم التانية اللي معتبرين انه هو بس بعدي المسئول عن خدمة والدي و مش مهم يشتغل او يتجوز هو كمان- و قالوا له انهم اعتبروني مت!!! كلمة كبيرة اوي لم أتخيلها منهم طول عمري!! و من مين؟؟ من اخويا الكبير اللي طول عمري كنت باعتبره قدوتي و مثلي الاعلى! سبحان الله!! واحدة مخطوبة برضا أهلها و في طريقها انها تتمم اخر خطوات في سبيل جوازها، لما تصر انها تكمل يعتبروها ماتت؟؟!!! امال لو كانت اتجوزت من ورا اهلها او هربت مثلا زي ما بنسمع عن بنات بتعمل، كانوا استخدموا كلمة شكلها ايه؟؟

صدقيني يا رواء مش زعلانة منك خالص، انتي كررتي لي كلام قالوه لي ناس كتير من زمان اوي و انا اللي مكنتش مصدقة ان اخواتي يبقوا بالانانية دي، و كنت كل مرة يجيني عريس و يعملوا شوية الحركات دي، اعيط و اقول خيرها في غيرها و اقول لسه النصيب مجاش و اسكت. لكن المرة دي مبقاش ينفع اتعامل معاهم بالسلبية دي، بس مش صعبان عليا غير اني ابدأ حياة جديدة بخسران أخين، و مش صعبان عليا غير اولادهم اللي مش عارفة دول كمان حيعتبروني ميتة و مش حيخلوهم يعرفوني بعد كده و الا الايام الجاية شكلها حيبقى ايه. و الحمد لله على كل حال

و جزاكي الله خيرا يا رواء، عمري ما اخدت رأيك في حاجة غير و لقيتك محل ثقتي برأيك، ربنا يبارك لك في صحتك و في زوجك و اولادك

اية يا رواء اللى كوباية شاى ؟؟؟؟؟؟؟ ده انتى عند نووووووودى :)
يعنى تقعدى وتستربعى وتسقفى وتجيلك المشاريب كلها
يلا يا نووودى اديها مقاطعة دانمركية اخواتية :)
زمان البنات جايين ان شاءالله

يا صباح الفل على الافكار المنيره والنيره والمنوره
انا جبت الشاى بتاعى بشجره النعناع الى فيه بس جيت بالبيجامه والروب وعيونى لسه مقفوله والله يا نودى بكتب بايد واحده التانيه مدفياها مش قادره اخرجها بقى
بس اهم حاجه المضيقه فيها شمس؟؟
ومين هيطبخ؟؟
دون بقى تعمل لنا محشى وحمام من الى هناااااااااااك
طيب
المضيفه فيها نوم ولا هنروح على المغرب كده؟؟

واحده ما صدقت

شوفتى بقى القلوب والمعده عند بعضها ازاى؟؟