ايوة يا شيري
كومبيوتر البيت بايظ وانا حاليا باحاول اشتري واحد تاني ربك يسهلها ان شاء الله

المرتبات دي بقى ارزاق وحياتك لو كنت اعرف ان مرتباتهم كده من سنتين كنت وافقت لكن اللي كلمتني وقتها قعدت تقوللي اصل المرتب يعني طالما بارت تايم يبقى هيقل كثير ولازم تقولي توقعاتك وحاجات كده بخبرتي في الانترفيوهات عرفت انهم على الحديدة وباعوها وعاوزين لهلوبة تغسل وتمسح وتكنس بتلاتين جنيه

مش تلاتين الف
طبعا زيمل زوجي يعرف ناس هناك وسئلهم لي دلوقت وجاب لي بقى الخبر اليقين ان لازم واسطة مش أى حد كده يشتغل هناك علشان المرتبات كذا (التلاتين الف) طبعا انا صعقت

يلا الحمد لله على كل حال ربنا يزيدهم يا ستي ويبارك لهم الخيرة فيما اختاره الله

والله يا بنات حازز في نفسي المكان وانا كنت رغم اني ما ليش اصدقاء في الشغل لكن علاقتي بهم كلها كويسة الحمد لله وشارع المنيل اخدت عليه وعلى المحلات و و و
حاسة اني هافتقد كل ده
وياسمين حبيبة قلبي مش هتلاقي حد تلعب معاه هاوديها حضانة تانية فين بقى ما هو ما فيش جنبي حضانات حلوة

مش قادرة اقوللكم لما باخد اجازة بابقى هاتجنن عاوزة انزل عاملة زى المدمنين بالضبط

ادمنت الشغل خلاص لو فيا طاقة بشلن او مليم ما ارتاحش الا لما افرغها اقوم واخترع اى حاجة في البيت اعملها بحيث على بال ميعاد النوم ابقى مش شايفة مكان السرير واتدلق زى الجردل
هاعمل ايه لو قعدت في البيت على طول اذا كان ده حالي في الاجازة

الحمد لله رب العالمين اللهم لا اعتراض اللهم لا اعتراض

ربنا معاكى يا فاطمه وينولك الى تتمنيه ويعوضك باحسن .. ويا ستى مش مشكله تلاتين ولا اربعين اهى كلها فى الآخر بتتصرف ( طبعا من ور ا قلبى ولا كأنكم واخدين بالكم)

بنات انا زهقانه وشكلى كده حقوم اروح لحسن قربت اتخنق خلاص

فاطمه الى بيتعود على الخروج والشغل بيكون كده .. بس صدقينى كله تعود يعنى انا لما يومين الأجازة دول بتوع العيد اخدناهم كنت فى اولهم زهقانه وبعدين خلاص بقيت قرفانه وانا نازله الشغل لأنى اخدت على البيت والواحد بيلاقى مليون حاجه يعملها صدقينى ..

الا حد ناوى يروح معرض الكتاب او سمعتوا حاجه عنه ؟

طماطم..............انا مذبهله اخر اذبهلال بقى

شيرى.............حرباية مين يا بنتى ادخلى على مصر ديجيتال واتفرجى شويه كده .......... ربنا يستر علينا يا رب

حسبى الله ونعم الوكيل حسبى الله ونعم الوكيل حسبى الله ونعم الوكيل