ميرو

أم زياد

ربنا يكرمكم على ردودكم وعلى فكرة كلام ايمان اقرب حاجة للي انا باعملها اليومين دول يعني الرد في حدود والكلام في حدود وحاجته كلها موجودة

ادعولي يا بنات اكون قوية ويعدي الموقف ده على خير من غير ما يتكرر تاني لأني لو مش وقفت كويس ممكن ينسى نفسه تاني وفي ساعة نرفزة يكررها تاني

رانيا انا عارفة ان ترتيبات السفر اكيد شغلاكي

بس يا ريت تطمنينا على مامتك ويا رب يشفيها
بجد متتصوريش امبارح كنت بجد متضايقة جدا علشانها

ربنا يوصلك بالسلامة يوم الخميس ان شاء الله

لا روز ازيك
لافلى يا هلا ياهلا
أهلا ياميرو صباح الفل
صباح الفل يافطوم أنا عارفه انه لما بيكون المشكله بينكم بتكون هينه واللى بيزعل وجدو اخرين لأنه بيكون شئ محرج جدا بس بلاش تقاطعيه او تكشرى فى وشه او تكونى ناشفه يعنى فى التعامل يكفى أن يبان عليكى انك متغيره يعنى صعبان عليكى فيه فرق كمان علشان الموضوع بيكبرش بالعكس يعنى بدل ماتبقى مستنيه انه هو اللى يصالح تبدأى تصالحى انتى خليكى شويه هاديه مفيش رغى مفيش كلام يعنى اسلوبك بس فى تغيير وعلى فكره مش كل راجل ممكن يعمل فيلم علشان يصالح مراته صحيح أحنا بنبقى محتاجين كده بس هما بتكفيهم انهم يبصو بحنيه او حضن زى ما بتقولى او يتبسم بيبقى ياسلام فاكر كده الدنيا ومافيها خلاص الدنيا تتعدل وكله يبقى وردى وأما هتبقى نكديه ده فى نظر الرجاله طبعا
بس بالزمه مش كلنا برضه بنخاف على زعلهم هههههههههه

ربنا يروق الحال يارب

رانيا ألف ألف سلامه على والدتك ويارب يطمنك عليها

انا نفسى اطرح معاكم موضوع وهو صلاة الإستخارة لأنها محيرانى قوى
كان مره فى موضوع مهم بالنسبه ليه فصليت صلاة استخارة الموضوع ده كان صعب جدا وكان مرهق ماديا ونفسيا وكل شئ وكنت محتاره اعمله فصليتها علشان استشير ربنا سبحانه وتعالى اعمله ولا لأ لقيت جميع أموره اتسهلت وبقت كلها ميسره واتحلت وكانت احلامى كلها مبشره بالخير بطريقه جامده جدا وفعلا تم الموضوع ولللأسف تحقق بصورة عكية تماما
ياترى انا فهمت غلط وكان المفروض معملوش ولا الغلط فين ده محيرنى حد عنده تفسير

ام ابيها ..........انا راى ان اللى بتعمليه صح التعامل المحدود من غير تقصير
اه صحيح هو جه وصلحك بس ممكن ده تاثير حاله الوفاه اوانك كنتى موجوده ولم تقصير فى حاجه مع اهله
بس الموقف نفسه لازم تتكلكموا فيه خصوصا انه اتكرر تانى يوم امام الشغله مش عايزه اقولك انك لو المره ده عديت ممكن تتكرر تانى ومش هتعرفى توقفى الموضوع علشان سكتى اول مره من غير موقف علشان ده مش هو الموقف بصى انا مش بكبر الموضوع بس بما انه جه واتكلم معاكى الصبح بس الوقت الصبح بيكون ميت علشان نلحق الشغل تعالى بعد العشاء واعقدى وابدى انتى الكلام مش عيب لازم توضحى وجهت نظرك كامله واحساسك اه كمان ده ضروى جدا
وان شاء الله خير