صباح الفل ........ عاملين إيه النهاردة

صباح الفل ........ عاملين إيه النهاردة أنا كنت هموت و أكلمكم يوم الجمعة و الله يا بنات ضحكت ضحك مش ممكن و بمناسبة حالة الإكتئاب اللى أحنا فيها النهاردة خدوا دى
فاطمة ركزى معايا أوى ...... أنا طبعاً رحت يوم الجمعه عند حماتى كالعادة كانت هناك قمة لمناقشة موضوع خطوبة أخو جوزى بدأوا المناقشة هيجيب شبكة إيه لقيت الرد و يجيب شبكة ليييييييييه ؟؟؟؟؟عديتها طب العروسة هترضى بكدا الرد مترضاش ليييييه؟؟؟ طب هيعملوا خطوبة هيجيب فستان و كوافير و كدا الرد ويجييب لييييييييييييه ؟؟؟؟؟؟؟ بيروح زيارات و بياخد حاجات معاه لأ ميرحش و مياخدش طبعا و هنا بقى مقدرتش أتلفت لبنت أخته و هى صاحبتى و قلتلها على رأيى فاطمة ولاد المــتـــضـــايــــقــــة دول مبيعرفوش يفرحوا و أنفجرنا أنا و هى فى الضحك و جوزى مكنش عاجبه الوضع قعد يضحك معانا و طبعاً كنا هنضرب بالنار .

بصوا أنا رحت المعرض إمبارح أنا شايفه إن النظام السنة دى سىء للغاية و فيه إهمال بس بالنسبة للكتب الأسعار حاسة إنها أحسن من كل سنة ولقيت فى مكتبة العبيكان كتاب رائع للدكتور عائض القرنى أسمه أسعد إمرأة فى العالم و دا مصنف مع مجموعة أكتر الكتب مبيعات عالمياً و كتابه الشهير لا تحزن حتى المجلدات الإسلاميه طبعات فاخرة و الأسعار من 12 الى 25 جنيه .
و فيه حاجات تعليميه روعة للولاد لعب و أفكار و معامل صغيرة للتجارب و السى دى التعليمة و الإسلاميه فى سفير روعة . و شربت يا بنات قهوة تركى روعة .
فيه موقف حصل عاوزة آخد رأيكم فيه .... الولاد كان بقلنا كتير مش خرجوا فى أماكن مفتوحة فيا دوبك دخلنا المعرض وأنطلقوا حتى ياسين بقى بيجرى منا و مش عاوز حد يمسكه فطبعاً جوزى بقى متضايق جداً لدرجة إنه قلب و قال يالا نروح بعد ساعة واحدة فأنا أنفعلت وأتنرفزت و الموضوع كبر .أنا عارفه إنه مش بيحب الزحمة بس الولاد مش ليهم ذنب هو من إمبارح متغير و مش عارفه أعمل إيه .

المنتدى بيهيس و لا إيه

من ساعة ما جيت وانا شغل في شغل لما وجعولي دماغي ولاد المتضايقة حاجة تضايق يا ساااااااااااااااتر اشحال ان ماكانوش جابوا درفها خلاص

مت من الضحك يا ام ياسين ايه العيلة دي طيب والعروسة هتوافق ليييييييييييه؟

دينا

انا مت خلاص على المحشييييييييي ده يا ربي دمار يا دينا شكله تحفة والبتنجان شكله طري وجميييييييييل