ام زياد .. صباح الفل عليكى .. تصدقى ان اول مره آخد بالى انك من الأسكندرية ! بصى يا ستى انا عايزة ااقولك على المقطم بس خايفه تكونى زى بقية الناس تقولى لى بخاف منه بس حقولك على مميزات كويسه فيه ... اولا منطقة الى حد ما لسه اسعارها معقوله لحد دلوقتى بس بتغلى كل مدى عشان شركة إعمار ( لو بتشوفوا اعلاناتها) بتعمل مشروعها عندنا .
ثانيا .. انا فهمت من كلامك انك جوزك حيكون شغله قرب العين الساخنه او حاجه كده ؟؟ بصى ياستى فيه عندنا نازله من المقطم الى هى من ناحية مدينة نصر .. فيه وصله منها بتطلع على طريق العين السخنه والغردقة مش عارفه تقريبا اسمه طريق السويس انا مش واخده بالى من الاسم بس انا عارفه اننا بنطلع منه على الغردقة ... واحنا قريبيبن من التجمع الخامس بردوا من نفس الطريق ده .. والى يخوفوكى من المقطم قوليلهم بس اروح اشوف مره وبعدين احكمى انتى لأن الكل لسه فكرته عنه من زمااااان ايام ما كان الطريق واحد رايح وجى سوا .. بس صدقينى دلوقتى اتغير كتييييير اوى
اما المدارس فموجوده بس بصراحه مش حقدر افيدك اوى لأن ما نعرفش حد غير جيراننا كل اطفالهم سوا فى مدرسه واحده بس اسمها ايه ما اعرفش والله .. بس هى من حضانه لأعدادى واكيد فيه غيرها كتير بس يمكن دى ااقرب حاجه لنا وبيجى الباص ياخدهم الصبح . انا رغيت لك كتير بس انا عارفه ان اى حد يسمع كلمة مقطم يتخض بس انا اهو طالعه نازله عادى ومفيش مشاكل والمنطقه عمار مش صحرا ما تقلقيش.
وعلى العموم ربنا يوفقكم يارب وتستقروا باذن الله فى مكان كويس :) واى سؤال انا تحت امرك

بنات ممكن حد يقولى دعاء فك الكرب

جميل اوى ياشيرى اللينك ده ميرسى

مش عارفاه والله يا جنه ! ياريت الى تعرف تنزله لنا كلنا

العفو يا ديما :)

لا اله الا انت سبحانك اني كنت من الظالمين

روقي يا جنة بقى ايه بس يا بنتي فيه ايه؟

باقوللكم ايه روحوا على العام في خناقة بين الامارتيات والسعوديات