فطومه الف مبروك يا قمر .. وماتزعليش نفسك انا عارفه احساسك الى انتى فيه .. مش عارفه تفرحى بالشغل الجديد ولا تضايقى انك حتسيبى مكانك وناسك الى بتحبيهم واتعودتى عليهم .. اصل ليا سوابق فى الموضوع ده .. معلش ما انتى قولى لنفسك انك كده ولا كده كنتوا حتتفرقوا لما المشروع يقفل وما تضايقيش نفسك وسيبى كل حاجه لوقتها .. بصى انا مع راى جنه لو انتى عايزة الشهر ده عشان خاطر ياسمين بس فسبيها فى الحضانه بتاعتها لحد ما تلاقى لها مكان .. وجربى اول فتره حتقدرى على كده ولا لأ لأنك كنتى بتقولى انها متعوده على الميس بتاعتها .. لو صعب عليكى حتقعدى اول فتره تعبانه لحد ما تستقرى لها على مكان تانى وان شاء الله ربنا حيسهلها لك .. بس انا من راى ما تتأخريش على الراجل لو هو محتاجك عالطول .. ومبروك تانى يا قمر :) ربنا يجعله فاتحة خير عليكى

لاروزتى .. حبيبى انتى عارفه انا مش بستعمل الحاجات العجيبه الى انتى بتقولى عليها دى !! انا آخر معرفتى الصابون بتاع جونسون اكتر من كده العلم عند الله

ميرسى لاوزا على ردك ان شاء الله ربنا اللى كاتبه اشوفه وان شاء الله يكون كاتبلى الخير

جنه .. انا مش عارفه ارد عليكى بصراحه .. انتى عملتى زى صاحبه كات .. الاختيار ما بين اتنين ده بيكون صعب اوى ! لأن اكيد كل واحد له مميزاته وعيوبه .. وانتى لازم تقررى حتكملى بقية حياتك ازاى ؟ بقرار من قلبك و لا من عقلك ؟ كله فى الأول وفى الآخر راجع لك بعد ربنا طبعا واكيد انك لازم تعملى استخارة وان شاء الله ربنا يهديكى للطريق الصح.

يارب يا شيرى عارفة انا خايفة اخد قرار اندم عليه واللى حيموتنى اكتر انى لما اتخيل نفسى ممكن اجرح محمد يا نهاااااااااااااااار ربنا يهدينى للطريق الصح يارب

مبروووووووووووووووووووك يا أم أبيها..
متضايقة ليه بس؟؟؟
اعملى استخارة واتكلى على الله.. انتى بس عشان التغيير بعد كذا سنة .. لكن ان شاء الله اللى فيه الخير ربنا يكتبهولك..
قوليلى مشروع برضه ولا شركة؟؟