ربنا يخليكى يا رونااااااا

الله يبارك فيكم يا بنات الحمد لله رب العالمين

المكان على كورنيش النيل بعد أركيديا والمنطقة دي مش فيها حاجة خالص للأسف اقرب حضانة في الجامعة الأمريكية

رغم اني متأكده ان عمارات الأغا خان اكيد فيها ولو حضانة واحدة بس مش عارفة اوصل لها

ما علينا

هو جزء منه من المعونة الأمريكية لكن الى حد ما مستقر الحمد لله لكن المدير بتاعي هيكون مصري هو شكله كويس لكن انا خايفة منه مش عارفة ليه اصله موسوس قوي باعترافه وعمال يخوفني ويقوللي شغلنا صعب والكلام ده عارفين الناس اللي تبقى خايفة تغلطي قدامهم وتتكلمي بطبيعتك احسن ياخدها عليكي

ربنا يستر

اعمل ايه في ياسمين طبعا مش ممكن اسيبها في المنيل ده بعييييييييييد موووووووت عن المكان ومش في سكتنا اساسا

ادعولي ربنا يفرجها

جنة

هاقوللك حاجة بأمانة والله علشان انت شكلك بنت حلال وطيوبة لكن ما عندكيش خبرة

رغم ان خبرتي على قدي بس هاقوللك اسئلي نفسك انت عاوزة ايه في زوج المستقبل؟

عاوزة واحد مستقبله حلو طيوب له دخل معقول مش بطال متدين يعاملني كويس واطمن على نفسي معاه

تمام شوفي اذا كانت المواصفات دي موجودة في محمد لكن دخله المادي دلوقت متواضع انما مستقبله حلو توكلي على الله واستخيري ما حدش بيبتدي كبير مش عاوزة اقوللك اول ما تزوجت كنا مديونين لشوشتنا وبكرم ربنا خلال سنة واحدة قدرنا نسدد معظم الديون دي والحمد لله

لو محمد مش متدين مش كويس معاكي مش ومش سيبيه حتى لو ما فيش راجل تاني

الانسان التاني ده ظروفه ايه؟ واللي اعرفه ان الانسان المتدين ما يخطبش على خطبة مسلم تاني علشان ده حرام

صح؟ الفلوس مهمة فعلا لكن مش كل حاجة استخيري على ده وعلى ده وارمي تكالك على الله

وعلى فكرة كلنا من أسر متوسطة واهلنا تعبوا في تربيتنا بصور متفاوتة شئ عادي يعني في مصر ما فيناش حد بياخد 30000 جنيه ههههههههه

والصراحة لي زمايل في مكان تاني شبه حكومي لكن كويس ووعدوني يشوفوا لي حاجة هناك لكن مش ردوا على ومكسوفة اتصل اسئلهم

رغم اني عاوزة اروح هناك قوي لأن معظم الناس اللي هناك اعرفهم

فطومة كلميهم بس متساليهمش بطريقة مباشرة على الشغل
يعنى انتى لما تكلميهم هم من نفسهم هيقولولك اخر الاخبار لو فى

ربنا يسهل يا لاروزا

ادعولي يا بنات