يا حبيبتى يا ام ياسين انتى تأمرى احلى شوب مانجه بس اصبرى شويه تفك من التلج احسن فى الفريزر محجره

انا مش عارفه هيا مشكلة الحموات دى مالهاش نهايه سبحان الله مع انى ماعتقدش انهم بيستفيدوا حاجه بس تقولى ايه

اصل المشكله انها والدته يعنى حتى لو شايف انها غلطانه همش هايقدر يقولها حاجه انما لو اخته مثلا كانت تبقى مقدور عليها

الحل انك تحتسبي اجرك عند ربنا سبحانه وتتحدى نفسك انك تقابلى السيئه بالحسنه يا ربنا يهديها يا تبقى كسبتى جبل حسنات وربنا يعينك يا رب

بس برضه خلى بالك اسلوب ان الواحد ياكل عشان يفرغ شحنة التوتر اللى جواه دىغلط حتىانا نويت انى ابطل انا كمان الموضوع ده خالص ان شاء الله لان نتايجه سلبيه خالص حاولى لنفسك انتى مش عشان حد تانى وارمى كله ورا ضهرك مادام بقى امر واقع قومى صليلك ركعتين وتوكلى على الله

يا غلبانه يا مشمشه انتى برضه غلطانه

يا بنتى انتىاللى بتظلمى نفسك عشان بتحطى نفسك فى مقارنه مع مامته وده غلط لان انتى حاجه وهيا حاجه انتى ليكى حب وهيا ليها حب من نوع تانى

وزى انتى ماقلتى هيا بقت وحيده لما بنتها اتجوزت وجايه عندكم يومين لازم يحسسها وهيا فى السن ده ان مكانتها ماتهزتش وانها ليها مكانه كبيره فى قلبه وكمان فى بيتك يبقى لازم تراعى النقطه دى ماتخليهوش يحس انك شايلاها على قلبك عشان ييجى حتى بعد عمر طويل يشيل منك انك كنتى مش حابه مامته فى حياتها ويفضل سواد من ناحيتك

ثانيا زى ماقلتلك اكيد مامته حست بحاجه لانكم اتخانقتم وهيا موجوده فخمنت انها السبب ودهه محرج وعشان كده ده كان رد فعلها انا ماما بتتضايق جدا من اخواتى الولاد اللى هما ولادها اهم مش مراتات ولادها لو حد فيهم كان مكشر مع مراته ولا قالها كلمه كده ولا كده وهيا عندهم او وهما اللى عندنا دايما تقول عيب ده حتى احراج للى موجودين يخلى الواحد يشك فى نفسه

تصبحوا على خير وروقوا كده وصلو على النبى واستعيذوا بالله من الشيطان الرجيم

سمسمة .... هو أنا لسه هستنى لما التلج يفك أحدفى الكيس و أنا هقعد أقرقش مع نفسى ، و الله عندك حق جوزى بيقولى دى مش واحد صاحبى هقاطعه و خلاص و لا أختى هاخد منها جنب دى أمى .
ربنا يخليكى يا سمسمة و الله هديتينى بكلامك... بس لسه باكل والترمس جنبى عمالة أشرب فى شاى .

حماتى مش بترتاح غير لما تخلى جوزى عندها يعنى عادى اوى يبات لحد دلوقتى مجاش قاعد عندها امبارح ان عبان مرحلهاش ياخرابي على الخناق فى التلفون انت قاعد بتتدلع جنب مراتك انت وانت كانه عمل جريمه لما خد يوم اجازة واخوه يتصل وابوه يتصل ازاى يقعد معايا يوم اجازة حرام قلبوها حرب
ده غير زياراته اليوميه ليهم ابوه اربع ايام قاعد عندى سواء ويك اند او شغل متفرقش حماتى بتجى جري وراه وساعات يجيبو اخوه ده من اول اسبوع جواز مع ان ليهم بيت جنبي مافيش خمس دقايقانا قاعده في بنها وهما في مصر بس ليهم بيت في بنها بردو اليومين الفاضلين اروح ان وجوزى مصر نبات عندهم قرفت مافيش اي خصوصيه ليا خالص ح اسه ان كل حاجه هما عارفينها وبعدين لما يكونوا عندى بقا لازم غداوفطار وعشا اصناف واشكال ومش عاجب لو مرة كنت تعبانه ومش قادره اقوم اطبخ ساعات بتجيلي غمه نفس تقرفنى في عيشتى ماقدرش اطبخ تقوم القيامه ازاى وليه وابقى برجع قدامهم ومافيش رحمه

ياااااااااااااااااااه لو جوزى غلط وجاب سيرة انى عملت اكله حلوة ولا عملت شيء مميز في البيت تقلبها حريقه ازاى يقول كده

ابوه بقا متدخل في كل شيء حتى مرواحى للدكاترة لازم ابوه يكون عارف جوزى لو جتله فلوس زياده ابوة عارف قرفت والله انا بكتب وانا بعيط خلاص مش شايفه اتخنقت

تخيلو لما يكونوا عندى وبياكلو هيا وهوا وعملت اصناف واشكال وبعد الاكل جبت شاي وفاكهه وجاتوه وواقفه على حيلي طول اليوم اطبخ وانا حامل وفي الاخر قاعد هوا وهيابعد ماخلصوا اكل يقولو كلام غريب كله غل وكره زايد بدون اى سبب والله وربنا اللى شاهد عليا انا ماعملت معاهم غير كل خير ولا بعرف اقول كلام وحش ابدا ولا بعرف اضايق حد مش عارفه ليه كده خدت ابنهم منهم ياخدوه كرهت نفسي

الحمد لله