اخر اصدار من الامثال


اللى بيته من إزاز ميغيرش هدومه فى الصالون

فاقد الشىء يدور عليه

اقلب القدره على فومها يقع الفول منها

تأتى الرياح محمله بالأتربة

ياخبرالنهارده بفلوس بكره ينزل عليه تخفيض

اللى معاه قرش مكدره يجيب حمام ويحمره

جت الحزينه تفرح شغلت شريط سعد {هتجوز }وقعدت ترقص

قال يامحشحشين يكفيكوا شر الكمين

اللى ياكل لوحده يشبع

لاتبكى على اللبن فى البسكوت

اقطع عرق و حته بتلو

اطبخى ياجاريه الأنبوبه فاضيه يا سيدى

لو حبيبك عسل ما تحطلوش طحينة

اللى يتلسع من الشوربه يتصل بالمطافى

وبكره ترجع ريما من عند خلتها فى مارينا

ياداخل بين البصله وقشرتها حط قطرة علشان هادمع من ريحتها

اصوم اصوم وافطر على المدفع

القرش الأبيض بيعوم فى البحر الأحمر

ضربوا الأعور على عينه قالهم كسرتوا النضاره

اللى ميشفش من الغربال يكشف نظر

المال السايب يعلم الطلبه

نام وارتاح وكل عسل نحل التمساح

من خرج من داره مينساش يأخد المفتاح معاه

الباب اللى يجيجلك منه الريح شيله وركب قبنورى

المضطر يركب التاكسى

رب صدفة خير من ألف ليلة و ليلة

اللى يخاف من العفريت يعمل عبيط

المركب اللى فيها رايسين يلعبوا طاولة

اللى خدتوا الأرعه تخدو ام الخلول

اللى ميعرفش يقول what

أكل العيش يحب الطعميه

العين عليها lenses

قاوا للحرامى أحلف قالهم وحياة قلبى وأفراحوا

********

أمثــــــال عربيــــات النقـــل

متبصليش بعين رديه دنا طلع عين أمى فى السعوديه

ربنا يحميكى من الميكانيكى

الحلوة أسمها تفاحة للسفر والسياحة

الحلوة من حلوان وصاحبها راجل غلبان

الحلوة من دمياط وعليها أقساط

قصه كفاح مش جايه على المرتاح

متزمروش يابهايم دا السواق نايم

بلو روز ...... لسه بلاستيك لما خلاص إتخنقت .
مش ممكن الأمثال دى دمك عسل دا أنا جبت العيال من أوضتهم على صوت ضحكى لأ إحنا لازم نطبعلك كتاب و كله كوم و أمثــال عربيـات النقـــل كوم تانى مرةلقيت واحد كاتب على عربيته "لا أمان فى هذه الدنيا يا دلوعه "و الله جاتلى هستيريا و كنت راكبة ميكروباص و الناس قعدت تبص و بقى شكلى وحش جداً حبك النصح باللغة العربيه الفصحى يعنى .

لالالاا يالاروزا
مش حاخد منها حاجه الا لما تقولى الاول
بالفرواله والا بالريموت؟

مشمش
اعملى اى حاجه الا الليسنز دى طلعت مقرفه جدا وبعدين الماك اب هو اللى بيظهر كل حاجه

بلو روز
بلاش نقطع على بعض بقى خليك حلو
ياضغنن انت

عجبتنى قوى الانبوبة فضيت ياسيدى
اصل دى حركاتنا احنا
ههههههههههههه لفيهالى يادون لو سمحتى

http://forum.hawaaworld.com/showthread.php?t=561318

خدوا يابنات اللى عاوز يصبغ
رودينا واللى كانوا بيسألو موضوع حلو اوى