صباح الخير يا بنات منورين النت
رانيا.................. الف سلامه على ماما وان شاء الله تقوم بالسلامه وتنزلى تطمنى عليها
لوفلى ............ ازيك انتى مختفيه فين
بصى بالنسبه لمدينتى هى جميله جدا بس بصراحه غاليه موت تقريبا الفيده حوالى 17%
انتى للمساحه اللى هى 130 تقريبا بتدفعى حوالى 25 الف مقدم وبعد 3 شهور 25 الف حجز وبعدين كل شهر حوالى 700 جنيه وقسط سنوى 25 الف برضه لمده 15 سنه والاستلام بعد 4 سنين
طبعا فى نظام تقسيط على 10 سنين و4 وفى كاش كمان كله على حسب امكانياته
وفعلا زى لاروزا ما قالت الباص بيطلع من عند الجامعه العماليه

اياك حد يطنشني

سمسمة

ازيك يا قمر عاملة ايه

سندريلا

هتهون ان شاء الله يا بنتي

طبعا مديني الطناش المتين

ماشي ماشي الله يسامحكم

انا كمان بعد كده هاطنش بس ها

السلام عليكم ورحمة الله وبركاته
مبروك عليكم المضيفه الجديده

ولو أنى زعلانه منكم خالص مالص علشان تقريبا ولا اى حد بيعبرنى فى كل مضيفه بس حبيت اصبح عليكم

هبهوب دايما بعرف أخبارك فى الآخر بس على فكرة انا اعرف ناس متجوزين اصغر منهم والحياه جميله المهم شخصية الأنسان نفسه توكلى على الله واكيد ماما ليها رأى برضه ايه رأيها

سمسمه ولاروز ورواء وسندريلا ولولو شيرى وميرو ودينا وكل اهل المضيفة ازيكم

فاطموه الجميله انا قلت ارد عليكى انا عقبال مايرد الباقى أولا أزى ياسمينه بوسيهالى ثانيا انا من رأى ان طالما كان فيه غلط اما الآخرين حتى لو كان مجرد صوت عالى يكون التعامل فى حدود لفتره لحد ما يشعر أنه أخطأ حتى لا يتكرر
بمعنى هو صالحك على الماشى أوكى بس انتى عادى صباح وعمايل طلباته بدون دلع بدون حكاياتك بدوم مشاورات فهيشعر لوحده ان طريقتك متغيره هيحاول يعرف ليه وهيعمل برئ مش عارف السبب ساعتها ممكن العتاب بهدوء بكل ما كان ولكن مع قليل من الدلع حتى لا ينتهى الكلام بغم
لأن ده الطريقة المتبعة لما تعاتبى جوزك على شئ عمله يزعل يبدأ الدفاع عن نفسه بالهجوم عليكى انك كل حاجه تعاتبى ويعملها مشكلة يهرب بيها من المواجه ده رأى

وصباح الفل عليكم جميعا

معلش يا فطوم هم بيبقى ليهم حركات تحرق الدم وتخلى الواحد مش عارف يرد عليهم ازاى
يعنى مرة مثلا عصام بيهزر معايا قدام اصحابه وكان معاهم زوجاتهم وحسيت انه قال كلمتين معجبونيش فى حقى سكت وقتها وعديتها كانه عادى ولما مشيو بقوله انا زعلانه منك على فكرة بيقولى ليه قلتله عشان انت قلتلى كذا وكذا قدامهم وده ميصحش اذا كنت مبتكلمنيش كده بينى وبينك
تخيلى رد فعله ايه؟
يقولى ايه الحساسية الى انتى فيها دى انا كنت بهزر واتقمص وزعل
وبدل ما كنت انا اللى زعلانه بقى مطلوب منى دلوقتى انى اصالح ومش من حقى انى ازعل
شوفتى القهر
بصراحة انا لو مكانك مش هسكت هستنى وقت مناسب واقوله انى زعلت منه لما عمل كذا وكذا من غير تقطيم ولا عتاب ولا كلمتين فى العضم لانه لو سمعتيه كلمتين هينكد عليكى ويطلعك غلطانه اصلا انك زعلتى وانك نكدية وبتكبرى المواضيع وقلبك اسود زى ما قلتى
بهدوء قوليله انا زعلت منك لما عملت كذا وكذا وكانك بس بتعرفيه عشان متبقيش شايلة فى نفسك ومالية منه
ده رأى بصراحة وفى الاخر كل واحده بتعرف ازاى تتعامل مع جوزها ومش كلهم زى بعض