منى
احب اقوللك اني قررت اأجل لجوجو البوتي شهر لأني حاسة انها مش فاهماني
استسلمت بسرعة مش كده؟

بنات انا جيت من المحاضره الحمد لله
وعدت على خير
اي نعم كان فيه اسئله غليييييييسه بس الحمد لله عدت

السلام عليكم
أم يوسف لا طبعا هو أيه ده تكلينا كده فى دوكه (وإن كنت مش فاهمة الكلمة دى معناها أيه ) ؟؟؟
لازم تحكى لنا بالتفاصيل أيه اللى حصل وقولتى الدعاء ولا لأ ....منتظرين التفاصيل .
أختك هبهوبة

هبهوبه معلش اصلي نزلت تاني علشان اجيب يوسف من المدرسه واه الحمد لله قولت الدعاء وجزاكي الله كل خير
وطبعا لازم احكيلكو بالتفصيل ده حقكوا عليه
بصي ياستي انا اصلا مكنتش فاهمه المطلوب مني ايه بالظبط هل هاتكلم انا عن موضوع ولا همه هيسالوني وانا هارد الموضوع منش مترتب اوي المهم توكلت على الله وروحت مع صاحبتي
دخلنا الفصل والمدرسه رحبت بيه وشرحتلي انهم بيدرسوا تاريخ او حضارات الامم السابقه والاطفال بيختاروا الحضاره اللي بيعملوا عنها البحث فيه ناس اختاروا الحضاره الفرعونيه وناس مختارين الرومانيه وكده يعني
المهم قالتلي اديلهم نبذه او شرح ملخص لاي موضوع احب اتكلم عنه وانا مكنتش محضره كلام او حافظاه في دماغي علشان ارصه فانا اتكلمت من دماغي عن الاهرامات لان دي اكتر حاجه همه عارفينها وحبيت اسيب المجال مفتوح للاسئله احسن وقولتلهم انا عايزه اسمع اسئلتكم احسن
وطبعا اتسالت اسئله كتير بالهبل على مدار ساعه الاربع
منها اسئله حلوه ومنهااسئله متخطرش على بالي اني كنت هتسالها بس الحمد لله رديت على كل الاسئله
هحاول اكتبلكم بعضها
يعني اهمية الهرم ايه وليه اتبني؟
ابو الهول موجود ليه؟
همه كانوا بيصنعوا الحجاره ازاي؟
كانوا بيجيبوا او بينقبوا عن الذهب ازاي؟
ممكن الواحد يزور الهرم ويدخل جواه؟
كانوا بيلفوا المومياء باي انواع القماش؟
كانا بيستخدموا اي مواد في التحنيط؟
كان عندهم كام اله؟
لما الفرعون بيموت بيعبدوا مين؟
لو الفرعون ملوش ابن مين بيحكم بعده؟
كانوا بيقدسوا الحيوانات؟
وليه القطط؟
همه اهل النوبه ليه كانوا بيقدموا قرابين للفرعون؟
لو كنتي تحبي تبقى واحد من الالهه دي كنتي اختارتي انهي واحد؟.........طبعا محبش
انتي بتعبدي انهي اله دلوقتي؟
انتي من مصر؟
كايروا شكلها عامل ازاي ؟ والناس فيها بيركبوا الجمل لسه؟
الاثار الفرعونيه في مدينه واحده ولا اكتر؟
همه الفراعنه كانوا بياكلوا ايه؟
هوه العربي صعب؟
طيب قوليلنا كلمتين باللغه العربيه؟
لما افتكر حاجه تاني هكتبهالكو
بس عايزه اقولكو حاجه الاسئله اللي فوق دي من اطفال عندهم 10 سنين

اه افتكرت سؤال كمان
هوه الهرم بتاع كليوباترا فين؟
وهمه كانوا بيعملوا مراسم معينه اثناء التحنيط ولا لا وصلوات معينه ولا لا؟
هوه نهر النيل طوله اد اايه؟
تعرفي اسماء الالهه بتاعتهم ولا لا؟
لو روحت المتحف هاشوف وش المومياء ولا لا؟
المجوهرات والذهب اللي كان مع الفراعنه لسه معاهم ولا محطوط فين ؟