صباح الخير عليكمشكرا يا بنات على كل واحد رد على عارفين يابنات انا امبارح سقت السيارة مدة طويلة وانا شغالة فى موضوع الرخصة ادعولى بس انا عرضت على زوجى انى اسافر يومين انا والاولاد لكن قعد يقولى مش ينفع من غير راجل معاكم وافردى حصلكم حاجة هناك وانا مش فى البلد انا قلت اسافر اى حتة اتفسح علشان ماشعرش انى متغاظة انى انا قعدة فى البيت لكن يظهرمش عاوز يعودنى على كدة المهم انة قاعد معى فى حرب اعصاب بيعمل مشاكل وخناقات قبل ما يسافر مثلا فوجئت بيقولى انة حاسس انة بطل يحبنى وانة خايف يكون حصل لة حاجة غيرت المو ضوع دة وطبعا انا زى الهبلة قلت لة لو عايز تتجوز روح لكن انا مش حسيبلك عيالى ولو عايز البيت كمان خدة الرد لم يعجبة وفعد يقولى طب ساعدنى انا بفكر اروح اتعالج والله فلم هندى انا قلت اخد المخدة وانام على الكنبة واريح دماغى من الراجل دة وبعدين تصدقوا الساعة اصبحت الواحدة باختصارجوزى من النوع الى يحب يلففك حوالين نفسك علشان يغلوش على الموضوع الاساسى الى هو انة مطنشنى الطناش المبين وعايش لشغلة وصحابة وبس المهم النهار طلع وانا قدامى اسبوع وبعدين يسافر انا عيزة استعين بالله لان كتر الضغط العصبى بيخلى الواحد ينفجر اويشعر بالملل من كل شى وبوادر الضغط العصبى بانت على امبارح ولا لقمة كلتها بفكر من بكرة انى اصوم علشان رينا يزيح عنى الشياطين الى بيسلطوا جوزى اصل الرجالة بيقولوا لبعض كلام غريب زى كبريا عم الستات فاضين وقعدين فى البيت واحنا بنشتغل وكلام زى دة انا سوف احاول انى اطنشة لحد ماربنة يهدية وتعدى ازمة المهترات دى وفعلا حلو ان الواحد يعمل لنفسة عالم خاص بة بدل ما يفضل يفكر فى موضوع واحد جوزى عمل جوزى قلى انا يابنات بقالى خمسة وعشرين سنة متجوزة

بس الى عندها افكار تفول لى انا فكرت نوع من التغير اشترك فى جم يومين فى الاسبوع ويومين اروح سنتر اخد دروس فى اللغة علشان نفسى اشتغل مدرسة اطفال وانا لسة ياخد دروس فى السواقة يعنى اشغل نفسى بعدين لوحدى الحالة تتحسن احسن مانا بفكر اسافر طول الصيف وااه بابنات مكسوفة انى اقول اسرارى على النت بس من كتر الى انا فية لوانا بفكر غلط قولو علشان المشاريع دى من وقت عيالى وبيتى لكن انا محتاجة للتغيروعايزة فرصة ان معى فلوس متضعش على الليس والفسح عايزة انى اعمل حاجة مفيدة

السلام عليكم جميعا
معلش يا جماعة مش لاحقة ااقرا كل حاجة وارد عليها سامحونى
بس عايزة ارد على لولو عشان حسة بيها اولى لانى كنت زيها كده قريب
لولو ماتضايقيش
انا برضه حاولت كذا مرة مع بنتى لحد ما الحمد لله بطلنا البامبرز طوال اليوم
مش من اول مرة برضه
يعنى قولى من تالت مرة كده
كل مرة اجرب اسبوع واخر الاسبوع بعد ما اكون اتهريت غسيل وتنضيف ومسح ورا الهانم ايأس واحس ان مفيش نتيجة ابطل
وشهر شهر ونص كده واجرب تانى
وعلى سنتين وشهر او وشهرين مثلا قولى الحمد لله نجحنا اخيرا
وحكاية ان الطفل بيتكون عنده التحكم فى دماغه من سن سنتين انا مش متأكده من الحكاية دى اوى
لكن عن تجارب اللى اعرفهم فى اطفال ما شاء الله عليهم بيبطلوا البامبرز من سن سنة وفيى من سنة ونص وفية من سنتين ونص يعنى هى بتختلف من طفل للاخر ومش صح فعلا اننا نقارن الاطفال ببعض
لأن كل طفل قدراته بتختلف زى الكلام والمشي مفيش استاندرد فى الاطفال
هقولك من خلال تجربتى شوية ملاحظات يا رب تفيدك من ويمكن البنات هنا قالهولك بس انا اصلى مالحقش ااقرا كل اللى اتكتب وانا بصراحة فى الاول كنت بييأس زيك كده لكن البنات هنا كتر خيرهم كانوا بيشجعونى ويقولولى على نصايح وخبرات استفدت بيها فعلا

مبدئيا تخليها من غير اندر وير كفايةالفستان وتخليلها البوتى فى مكان حواليها يعنى هى شايفاها على طول وحاولى اذا قدرتى تكوني فارشة المكان مشمع وكل شوية تفكريها وتشاوريلها على البوتى وتشرحيلها فايدتها واستخدامتها :) وتفكريها انها لما تعمل فيها هايكون فيه مكافأه حلوة (بالنسبة لى كانت المكافأة شوكلاته من نوع هى بتحبه جدا)
ولما تعمل على نفسها(ودة اكيد طبعا كام مرة فى الاول) ماتجريش عليها وتغيرلها سيبيها قرفانة من نفسها شوية وانتى كمان حسيسيها انك مضايقة منها مع المشاورة على البوتى واعادة التذكير بفوائدها واستخدامتها
وطبعا كل شوية تقعديها على البوتى وحواليها اللعب والقصص وتقعدى تحكى وتلعبى معاها حتى لو معملتش على البوتى بس تبقى بتتعود على القعدة عليها عشان لما ربنا يسهل الخطوة الجاية
انا عملت كده مع بنتى فى تالت محاولة لحد ما ربنا سهل وفى يوم قاعدة على الكمبيوتر ومش واخد بالى منها جت قالتلى ماما ماما وتشاورلى على البوتى روحت لقيتها عملت فيها (طبعا شوية صغيرين فيها والباقى برة) بس الحمد لله مش وحش اول مرة بس مش عايزة ااقولك على اللى عملناه كنت عند ماما اليومين دول وكانت اختى معايا عملنالها حفلة على البوتى ونسقف ونقول هيييييييييييييييه برافو ونلف حوالين البوتى وهيا مبسوطة جدا بنفسها وتلف وتسقف برضه واديتلها الشوكلاتة اللى وعدتها بيها وكل ماحد يجيلنا نشاور على البوتى وقدامها نقوله شوفت يا عمو (او تنت )سلمى شاطرة عملت فى البوتى (فضايح) بس عشان تحس انها عملت حاجة كويسة جدا وتكررها تانى المهم ابتدى الموضوع ومشى بعد كده الحمد لله مرة اه ومرة لأ شوية لحد ما اتعودت انها تمسك نفسها وتيجى تقولى بيبي ابتديت اقعدها على قاعدة الحمام على طول (ما اخدناش فترة طويلة فى البوتى)
لسة بقى حاليا بتنام بالبامبرز ونفسي ابطلهولها بس دة يتتطلب زى ما منى بتعمل دلوقتى قلق كل شوية باليل :( ولو انا قدرت على كده مش عارفة هى هاترضى ازاى اصلها عنيدة وعصبية شوية لو حاولت اصحيها ااقومها غصب عنها هاتعيط وتزعل وتبقى مشكلة ربنا يسهل

رواء
البقاء لله
ربنا يصبر اهلة يا رب ويجعل مثواه الجنة ان شاء الله
اللهم ارحم المؤمنين والمؤمنات الاحياء منهم والاموات
واحسن اخرتنا جميعا يا ارحم الراحمين

صباح الخير عليكم

يا دينا
منى
لولوكاشا
هيوم
ام يوسف
رواء
سمسمة
كات
هبة

وكل البنات اللي دعيت لي ربنا يكرمكم الحمد لله غمة وانزاحت كان عندي مشكلة في البيت واتحلت ولله الحمد الحمد لله

وسومة يا حبيبة قلبي

ولا نقدر ننساكي ابدا الدنيا بس تلاهي والواحد الوقت بقى بيطير زى الكحل والله


لولوكاشا

دعواتكم مش اى كلام والله جزاكم الله خير

دينا

موتيني من الضحك والله على ضيف منى طيب ممكن اشارككم في موضوع الفراخ لو الحكاية نفعت ولو ما نفعت اهه نبقى قدمنا خدمة للوطن العربي

منمن
رواء

اشكركم على سؤالكم عليا والله وردودكم ربنا يكرمكم

ام يوسف

يا نهار ابيض ايخ الأسئلة دي كلها وعرفتي تجاوبي عليها ؟ عاملتي ايه رديتي ايه على موضوع القطط واشمعني القطط ؟ يا خراشي عملتي ايه احكي لنا

ازيك يا رونا