هيوم ازيك عامله ايه على فكره عايزة اقولك نصيحة لما تلاقى اى حد فى الدنيا عايز يستفذك من الشطاره ان انتى تبقى فرى كول فبكده هو اللى يتضايق مش انتى ودى نصيحة اتقالت ليه لانى كنت من النوع اللى سهل جدا اى حد ممكن يخرجنى عن اعصابى

هبه عبد العظيم مش عيزاكى تتضيقى لان انتى المفروض تفرحى لان الشجر المثمر هوبس اللى بيقذف بالحجارة وفيه مثل بيقول ان عدوك ابن كارك وانتى عشان مخلصه فى شغلك فاالباقين متضيقن منك علشان بيبانوا جنبك وحشين فبيحربوكى علشان يبعدوكى او تستسلمى وتبقى وحشه زيهم ويبقى كده مافيش حد احسن من حد وانا كنت بشتغل قبل ماتجوز وبقول الكلام ده عن تجربه علشان كده خليكى واثقه من نفسك وعامليهم بكل ثقه وبالنسبه لسنك فاالكبير كبير بافعله مش بسنه وانتى اصغر منهم بس احسن وكويس ان انتى بقيتى عارفاهم علشان تخدى بالك وحطى دايما فى بالك مقولة امشى عدل يحتار عدوك فيك
هبه حبيبتى فوضى امرك فيهم الى الله فهو بصير بالعباد ودايما ادعى ان الله يكفيكهم بما شاء
لكل مجتهد نصيب ياهوبا تك كير ياهبه اختك ام عمر

صباح الخير يا جماعه

حد شاف امبارح البيت بيتك؟؟ شفتوا هند الحناوى وتعليق أحمد الفيشاوى فى التلفون؟؟ انا بجد مصدومة فى المجتمع والقيم وكل اللى بيحصل.. مصدومة فى البجاحة وفى المفاهيم اللى اتلخبطت.

شفتوا كمان حنان ترك؟؟ يا رب يثبتها وتستمر على الحجاب. المشكلة فى حجاب الفنانات انهم بيبقوا قدوة لقطاع كبير من البنات الصغيرات ولو حصل وتراجعوا فى الحجاب بيبقوا قدوة اسوأ .. فانا بادعى ربنا انه يثبتها.. مثلا ميرنا المهندس لما طلعت مرة فى قناة اقرا وكانت بالحجاب وفضلت تتكلم انا كنت مصدقاها.. ولما شالته كنت متضايقة اوى مش ليها ولكن لاى بنت صغيرة كانت متأثرة بيها وفقدت التأثير ده وبقى تأثير سئ.

انتوا ايه رأيكم فى الموضوعبن دول؟؟؟؟

شكرا يابنات علىالرد اشكرك يامنى على ردك واشكر امورة انا زعلت او فرحت مش حاتغيرحاجة هو هايسافرمجرد مايركب الطيارة حيبنسى مصر والى فيها امبارح يامنى جيت اطلع رخص السواقة لقيت اليطاقة القديمة اتلغيت وانا معنديش وقت اروح اطلع حاجة لانى مربوطة بالبيت والاولاد حسيت انى ولادى ربطينى زى البطة بفتلة وانا لوخرجت خمس دقائق يتصل شوفى الاولاد لاتتركوا البيت لوحدك علشان كدة اتخنقت يعنى هو يسافروانا قعدة فى البيت دة حلال ولا حرام انا باين على ومش عارفة انى اغيرالمود الى انا فيةربنا يساعدنى انا مضيقة للسبب دة ولا هوانانى مش بيفكر غيرفى نفسة

هيام يعنى ايه مربوطة بالولاد بس؟؟؟ دول ما شاء الله كبار.. امال لو كانوا لسه اطفال صغيرين كان حالك بقى ايه؟؟ يعنى متعرفيش فى يوم تاخدى حتى الصغير معاكى وتروحى تطلعى البطاقة؟؟ متسيبيش نفسك للاحساس ده ان الولاد حبسينك وربطينك لانهم اساسا ما شاء الله كبار وممكن يعتمدوا على نفسهم لو انتى وراكى مشاوير مهمة..

علقوا يا جماعه على الموضوعين بتوعى.. انتوا فين.؟؟