ازيكم يابنات
عاملين ايه
انا النهاردة صاحية تعبانة قوي تقريبا عندي برد في بطني ولا انا لبخت في الأكل
هبة عبد العظيم
انا جبت موبايل جديد ماشي
ومش لوحدك وبرضه بسأل عليكي
هيام
انا فعلا لاحظت انك بتردي بس على الكلام اللي على هواكي لكن انا مثلا تقريبا كلامي معجبكيش فمردتيش
بالتالي انا مش هرد على اي مشاركات ليكي لأنها مش هتعجبك ومش هتردي عليا يبقى ايه لزمتها..


ام باسل
وحشتيني انا والله نفسي اكلمك بس على الموبايل اسمع صوتك

نودديييييي
العروسة عاملة ايه وحشتيني طبعا غرقانة في التوضيب

رانيا سبانش
انا مش عارفة انتي فين؟على الماسنجر مش بتردي ولا على المضيفة؟انتي في حاجة مزعلاكي؟
هكمل بس ادخ اشوف لي حاجةة اخودها اصل المغص تاعبني

يا لولو يا جميلة، انا كتبتلك فوق شوية لما لقيتك واقفة على باب المضيفة من بره :) سبقتك يعني هههههههههههه شوفي يا ستي بالنسبة للتوضيب، لسه موضبتش حاجة، حاليا غرقانة لشوشتي في المكتب لان المدير مصمم يصفي دمي قبل ما يديني اجازة لفرحي، يعني باشتغل شغل دلوقت و شغل الاجازة اللي حاخدها!!!! حسبي الله و نعم الوكيل فيه. انا ان شاء الله مش حابدأ توضيب غير عالاخر قبل الفرح بكام يوم لما اعرف اخد اجازة، بس حاليا باخلص الحاجات اللي لسه باقية و ادعيلي يا جميلة

و سلامتك الف سلامة يا لولو، حاولي تشربي حاجة دافية لمعدتك

بنات، فيه حاجة غريبة حاخد رأيكم فيها، فيه شركة مصرية للمنتجات الطبيعية او البيو اورجانيك بتمارس طقوس غريبة اوي. يعني الموظفين فيها بيعملوا دايرة كل يوم الصبح و يقفوا في مكان مفتوح عشان يتوحدوا مع الطبيعة و عشان يتوصلوا لحالة من التناغم مع الطبيعة!!! معلش يا جماعة انا مش موسوسة و لا حاجة، بس موضوع الدايرة ده غريب شوية لانه بيرمز لحاجات ملهاش دعوة بالاسلام و لها جذور في حاجات تانية و في نفس الوقت الناس بتتكلم عن الروحانيات و التكامل مع الطبيعة باسلوب غير مريح. مش عارفة اذا كنتم فهمتم قصدي و الا لا، بس بدأت الاحظ ان فيه مفاهيم بدأت تتغلغل في مجتمعنا دلوقت بعيدة كل البعد عن ديننا. ربنا يستر و يحفظنا و يثبتنا و يبعدنا عن الضلال

ازيكوا يابنات ازيك يانودى يلا شدى حيلك عايزين نفرح بيكى عن قريب ان شاء الله
لؤلؤة اهلا بكل اهل اسكندريه وتبقى سلميلى على يوسف قولى له عمر بيسلم عليك انا عمر عند6سنين ومحمد داخل فى3سنين ان شاء الله

لوكاشا وسبانش عاملين ايه وازى بناتكوا الحلوين يارب يكونوا بخير