روشانا ميرسى حبيبتى على ردك عليا :)

نودى .. ايه نودى ! ده احنا بنستنى طلتك من فتره للتانيه ومش بنزعل منك ولا من غيابك ده احنا بنقلق عليكى والله وربنا عالم .. تقومى مره واحده تقولى انسحاب !! طب عايزة تاخدى فتره راحه ماشى ماحدش حيقولك لأ واحنا مقدرين الضغط الى انتى فيه بس مش تقولى انسحاب ! ماشى يا جميل يا مغلبانى دايما معاكى ؟

شيرى 44 .. انا عايزة اسالك هو انتى شيرى اللى كنتى فى منتدى عمرو خالد؟؟؟

سؤال يتمنى جداااا أن أسأله لكل المتزوجين وكل العزاب أيضا بالله عليك بتحب أو هاتحب مين {لغير المتزوجين} اكتر...؟؟؟؟ مراتك...........ولا...........شغلك

تتهم كل نساء العالم الرجال بأنهم بيحبوا شغلهم اكتر مابيحبوهم كزوجات أو كخطيبات أو كحبيبات........، وده راى الرجالة ومن وجهة نظرهم خلونا نسمع مبرراتهم...........

وده راى احد الرجالة
أولا..........الشغل بيصرف عليا.......بس أنا اللي بصرف عليهااااا

ثانيا........في الشغل ممكن تزعق براحتك وزعيقك يجيب نتيجة...ومعدل الشغل يزيد.... مع مراتك صعب انك تزعق براحتك ومهما زعقت مش هييجى بنتيجه..........

ثالثا........ممكن تزوغ من الشغل ف أي وقت من غير ماحد ياخد باله أو حد من الزملاء يغطيك أنما تزوغ من مراتك........هيهات.......انسى يا عمرو

رابعا........في الشغل عندك مدير ممكن ترضيه لو أشتغلت كويس..... إنما مراتك لو عملت قرد.........مش ممكن ترضيهاااا وإذا رضيت....... عندك حماتك عمرها ما هاترضى أبداااااااااا

خامسا.......فى الشغل من حقك تاخد أجازه.......عندك عارضه..واعتيادى.....ومرضى دا غير يوم الجمعه....والعطلات الرسميه.....بصراحه الشغل ريحه خفيفه ع القلب..... أنما مع مراتك...مش ممكن تاخد أجازه......بالعكس دانت لازم تلزق فيها يوم الاجازه بتاعتك والا يبقى نهار اهلك مالوش ملامح.....لك اجازه واحده فقط......وطويله جدااااا.....(الموت)

سادسا........فى الشغل ممكن تترقى وتاخد منصب بيه....وباشا كمان ويبقى لك مكتب لوحدك.....وفراش.....وسكرتيره خاصه.....والكل يضرب لك تعظيم سلام فى البيت هاتعيش زوج وتموت زوج......واللقب الوحيد اللى ممكن تاخده لما تنادى عليك مراتك وتقولك....يابو العيال......أو.......ياحاج.......... ولما تعجز.......وتسلم النمر...تقولك.............يابركه...........

سابعا.......الشغل لو زهقت منه ممكن تسيبه بدون مشاكل....وبسهوله....، أنما مع مراتك......لو روحك طلعت.....لازم تحط فبقك كوتشى وتفكر مليون مره.....فى المحاكم والمؤخر والنفقه....والعيال وتلاقى نفسك فى الآخر بتغنى.....أنا اللى أستاهل....كل اللى يجرى لى الغالى بعته رخيص........ولا أحسبوووووش غاااااالى..{ العزوبيه}طبعا

ثامنا........فى الشغل...لو سبته أو سويت معاشك....أو بلغت سن المعاش بتاخد مكافاه كبيره....ومعاش...وحفله تكريم.....، أما مراتك لو سبتها قبل ماتموت...انت اللى هاتدفع مكافأه ومؤخر ونفقه......وشقه كمان.......وتتحبس لو مادفعتش..........

تاسعا.........ممكن تغير شغلك وتتنقل لغيره لو لقيت شغل أحسن منه....... فى حين أنك طوووول الوقت بتشوف مزز أحسن ميت مره من مراتك بس ماتقدرش تغيرها.........ظلم

عاشرا........فى الشغل....متأمن عليك عشان لو حصل لك حاجه....... ولو حصل لك حاجه.....مراتك هى اللى هاتقبض التأمين

فى النهاية....بتهوى مين أكتر...مراتك ولا شغلك..

الإجابة..........شغلي أهواااه ألف أهواااه

حبيباتي روشانا و رونا و لؤلؤة و شيري، خلاص خلاص مش عاوزة مظاهرات امام باب المضيفة!!! عموما، محدش يقلق لو غبت عليكم و دعواتكم معايا و ربنا يعلم انا بأعزكم كلكم اد ايه

ياللا اللي كانت بتطبخ في مطبخها ترجع تكمل طبيخ و اللي كانت شغالة على مكتبها تبص في شغلها، مش عاوزين لمة ادام الباب :)

بأحبكم جميعا في الله

كنت لسه هكتب قصيدة مدح فيكي يا امولة

يلا وفرتيها عليا

على العموم عودا نودي (ولا احمد ولا حمادة)

ايوة كدة هو مش المضيفة دي معاكي عقد الملكية بتاعتها يجيلنا قلب ندخلها منغيرك ازاي
اعتبري نفسك خلفتينا ونستينا
ولا انتي عايزة تكلي علينا عزومة الفرح
ياريت بلاش تدوري على قاعات وكلام فارغ
اطلعي على الاستاد علطوول وشوفي الحجز بكام؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟