ازيك يا أم باسل

رانيا سبانيش

انا بصراحة مش عارفة افيدك اصلي لسة ياسمين مش بتاكل يعني غير الرضاعة تقريبا فمش بادور قوي بس لو دخلتي على قسم الأطفال هنا هتلاقي حاجات كتير قوي

بنات
ازيكم ياحبيباتي
انا الحمد لله كويسة
اسكتوا دا انا كنت تعبانة بشكل امبارح وجوزي احتاس بجوجو وغرق في شبر مية بس لما اخدت الحقن الحمد لله التقلصات راحت والترجيع كمان
تخيلوا انا اللي اديت الحقنة لنفسي زي المدمنين كده
لؤلؤة انتي اتعديتي مني عن طريق الماسنجر يادي الخيبة دا انتي شرك بقى

روشانا
شيري44
رونا
نودي
ام مورة
رانيا سبانش
ام ابيها فطومتي
رواء الأسلام
ام باسل ست الكل

اشكركم على سؤالكم بس نصيحة قللوا من اكل برة دا لعنة الواحد مايدركهاش الا لما يتقرص منها

يافطومة بالنسبة لهيام انا من ناحيتي اقوللك اني لما هي طلبت النصيحة مننا انا اتكلمت معاها ورديت وهي حتى ماكلفتش نفسها انها ترد عليا وتقولي شكرا طيب بلاش تقوللي كلامي غلط مثلا احنا هنا كل واحد بيكلم وبينصح التاني على اساس تجاربه وحياته لو حاجة معجبتنيش اقولها شكرا وخلاص او اصححلها غلط كده يعني لكن كأني بكلم نفسي وتعبت ايدي على الفاضي دي حاجة مستفزة معلش
عموما
احنا بنكبر الأمور ليه احنا فهمنا النظام ملوش لزمة نتكلم كتير في الموضوع دا
انا من ناحيتي مش هعلق على اي مشاركة لها
واللي عاوز طبعا حر لعل وعسى انها ترد عليه

ومرة تانية اقوللكم يمكن اكون غلطانة وممكن لأ

وربنا يهديني ويهديها ويهديكم لما فيه كل الخير

رانيا سبانش حبيبتي
دا رابط لأكلات الأطفال شوفيه لو ينفعك
http://forum.hawaaworld.com/showthread.php?t=547737

سلامتك يا ام جوجو بعد الشر عنك

بصراحة موضوع هيام ده وجهات نظر وانا احساسي قلته لكم

التمسي لها العذر ما حدش فينا ضامن نفسه وبعدين اوقات كتير الواحد بيبقى مش عارف يتابع من كتر الردود وساعات بيكون زى الغرقان اللي بيتعلق بقشة محتاج اى حد يكلمه

ربنا يعفي عنها وعنا جميعا

صباح النور يا هيام ولو انها متأخرة شويتين عشان مافتحتش الصفحة من الصبح

اسمحيلى ارد على كلامك
اولا انا ماجبتش سيرة انها زعلت منك دى خالص وماكنتيش انتى اللى فى بالى وانا بكتب الكلام دة لنودى لأنى ماقرتش اى كلام موجه منك ليها يزعل

ثانيا هيا مش بتتحجج بيكى ولا حاجة عشان تنسحب جبتى الحكاية دى منين بس!!!
ثالثا المشاكل اللى بتكتبيها كتير من الاخوات بيردوا عليكى على طول ومش واحدة ولا اتنين ما شاء الله كتير
واللى عنده حل او فكرة لمشكلتك مش بيتأخر جزاهم الله كل خير
رابعا ماتكبريش الموضوع مفيش هجوم ولا حاجة اعتبرية وجهات نظر وردى على كل واحدة بهدوء وناقشيها فى اللى بتقوله

يعنى مثلا كتير من الاخوات بيشتكوا ان انتى لما بتعرضى مشكلة هما بيردوا عليكى وانتى مش بتردى عليهم مش عارفة يمكن ماقريتيش كلامهم يمكن مش عندك وقت او اى سبب تانى

المهم ردى عليهم واشرحيلهم وجهة نظرك ماتسبيش حد زعلان منك وهو مش فاهم

ممكن تفهمية ببساطة وبطريقة ظريفة ويخلص الموضوع وماحدش يزعل من حد ولا حاجة

وصدقينى يا بنتى مع كل اللى بتشتكى منه انا بقولك وماتزعليش منى انتى بتكبرى المواضيع احمدى ربنا غيرك عنده مشاكل اكتر منك مليون مرة
وعلى الاقل انتى يمكن مشاكلك ليها حلول لكن كتير غيرك ماعندهومش وعايشين وحمدين ربنا
شوفى حاولى دايما تفكرى فى اللى عندك عشان تكونى راضية ومبسوطة ماتبصيش دايما للى مش عندك وتقولى يا ريت كان عندى كنت هابقى مبسوطة لأنك دايما مش هاتبقى مبسوطة لأن عمر الواحد مابياخد كل اللى بيتمناه فى الدنيا لازم حاجة قصاد حاجة فاهمانى
المفروض ان تفكيرك علمى بحكم دراستك
فكرى فى كلامى كده شوية وهاتلاقيه منطقى
والحمد لله على كل شيئ
ماتزعليش من كلامى

وربنا يهدينا كلنا ويصلح لنا الحال ويهديلنا اجوازنا واولادنا يا رب