السلام عليكم جميعا
ام باسل طبعا البنات ردوا عليكى بكل الافكار وهو فعلا الحل الامثل التنبيه على العام
رونا حبيبتى انا طبعا مقدرة اللى انتى بتقوليه بس خدى بالك لان ابنك ابتدى يدلع علكى وانتى لازم تكونى حازمة معاه
يعنى لما يرمى الشنطة اوعى تجيبيها حتى لو وقفتوا ساعة على السلم وبهدوء فهميه انع لازم يجيبها بنفسه وحاولى تخلى نظرة عينيكى حادة وغاضبة
مرة والتانية هيتعود ونفس الطريقة فى موضوع كبايه المياه اوعى تجيبى حاجة هو رماها فى الارض
كمان لازم يعرف ان فيه عقاب مثلا تقعديه على كرسى لمدة 5 او 10 دقائق مهما عيط اوعى ينزل وطبعا ده بيبقى اكبر عقاب ليه
اما النسبة للشغالة النص يوم دة احسنلك
كمان انا كنت باعمل حاجة عشان الامور تتنظم
اجى اكتب فى ورقة انا ناوية اكل ايه طول الاسبوع وعلى هذا الاساس اشترى كل الطلبات واحضر التسبيكات والبصل المفروم والخضار متنضف واللحمة تتسلق او الفراخ او اتبل اللى انا عايزاه دة يوم الاجازة
وكنت دايما باصحى بدرى عن ميعادى واعمل الاكل واخلى بس الارز او المكرونة لما ارجع وبكدة ماقفش كتير فى المطبخ
وانا مع الراى ان الاولاد ميناموش الضهر بس على الساعة 9 او 10 يكونوا فى السراير والتليفزيون يطفى
طبعا فى الاول المواضيع بتبقى صعبة وفيها زن كتير لكن بعد كدة بيتعودوا والحال بيمشى
يارب اكون افدتكوا ولو بحاجة بسيطة
فطوم يا بتاعة اللبن سلامة ياسمين الف سلامة اهم حاجة تشربيها سوائل كتير
كمان صراحة انا كنت اول ما يحصل الدور دة علطول بحلل من نفسى كدة وابلغ الدكتور بالنتيجة عشان اعرف لو دة ميكروب ولا لا وجالها منين حتى لوبعد كدة الوضوع طلع بسيط بس كدة كنت بابقى مطمنة اكتر
ان شاء الله اكلمك النهاردة اطمن عليها بالليل
هبه عبد العظيم انتى اللى سكر يا بنتى انا عارفة ومقدرة اوعى تاخدى فى بالك
وربنا معاكى
Rouna
•
semsem كلامك صح 100% وانا فعلا باعمل كده.. امبارح سبته ومشيت وباحاول اقلل الضرب وكمان اعاقب بالزعيق واخليه بيص فى عينى وانا غضبانه عليه وبانزل لمستواه (اوطى) عشان ااثر فيه. اصل انا باشوف سوبر نانى وباتعلم برضه منه حاجات كتير بالذات مع سن الاطفال الصغير ده. وفعلا الموضوع بس ناقصه نظام .. ولو انا عملت زى ما بتقولى فى التحضيرات للاكل دى يوم الاجازة هيوفر عليا كتيررررر اوى.
أشكرك حبيبتى.
أشكرك حبيبتى.
شيرى 44 :
فطومه .. بصى يا ستى .. انتى ركزى بس وانتى بتعملى الحاجه .. يمكن بتكونى بتعملى الحاجه وانتى مستعجله فمش بتركزى بتعملى ايه .. انا لما بكون مشغوله او مستعجله فى حاجه عالطول بيحصل لى كده .. يعنى مثلا قبل ما تدى الظرف افتحيه تانى وبصى فيه واتأكدى وبعد كده لما تدى الحاجه حتكونى فاكره انك فتحتيه واتأكدى فتكونى مطمنه .. وطبعا موضوع الأستيكر كمان فكره حلوه اوى حتفيدك فى حاجات كتير .. وان شاء الله كله يكون كويس . لولو اخبار معدتك ايه ؟ يارب تكونى احسن دلوقتى. بنوته قطر .. بالنسبه لدكتور الأسنان فيه عياده الدكتور سامح برسوم وهو فعلا اكتر من ممتاز وشغله مش بيبوظ وهايل ومعاه طقم دكاتره ولو محتاجه يحولك لدكتور تانى مثلا حيقولك هو تروحى لمين .. رقم تليفونه 5915069 و 5903532 ولما تكلميهم تاخدى منهم العنوان بالظبط لأنى ما اعرفوش, اما بالنسبه لدكتور التجميل فان شاء الله باقى البنات الى تعرف اكيد حيفدوكى .. ويارب تقضى وقت جميل فى مصر وتكون اجازة سعيده.فطومه .. بصى يا ستى .. انتى ركزى بس وانتى بتعملى الحاجه .. يمكن بتكونى بتعملى الحاجه وانتى...
تسلمين الغاليه ماقصرتي والله
والف شكر
والف شكر
الصفحة الأخيرة
انا متشكرة اوى لتفاعلكم معايا وردودكم اللى بجد قريتها اكتر من مرة لانى باحب استفيد بخبرات الاخرين.
روشانا وأم باسل وأم ابيها وكل الاخوات
فكرتكم عن شغالة فترة وجودى فى البيت دى فعلا فكرت فيها.. وكنت الصيف اللى فات جايبة بنت صغيرة وكانت معايا فى تمرينات النادى وبتساعدنى فى الاولاد لكن بمجرد ما كنت امرر ادام ابنى الصغير كان يشوفنى ويعيط وكمان موضوع الحضانة ده جديد عليه فانا لازم اكون معاه فترة بعد الحضانة.
لكن المشكلة انه فعلا مش مدينى فرصة ... على طول زن على اى حاجة .. امبارح مثلا واحنا طالعين من الشغل فضل يرمى شنطة الحضانة على الارض ويصرخ.. ولما مثلا كباية المياه تفضى يقوم جاى رميها فى الارض.. يعنى تصرفات كده كلها للفت النظر مع انى باحاول اكون كويسة معاه... وفيه دايما معادلة صعبة باقع فيها وهى الحد الفاصل بين التربية والتدليل..
وانا فعلا فيه واحدة بتساعدنى فى البيت 3 ايام فى الاسبوع وباسيبها بس هى ان شاء الله معرفة فضامناها (ولو ان مافيش حد مضمون فى الدنيا) بس باتكل على الله.
أشكركم كلكم على ردودكم ..