سؤال تانى يا دون فى اجهزة المطبخ :)
معلش اصلى بكمل جهازى اليومين دول (بعد الهنا بسنة زى ما بيقولوا :))

سؤال اليوم عن افضل حلة ضغط والمقاس العملى اللى اجيبه ويخدمنى كتير فى المطبخ

اصلى انا بثق فى ارائك المطبخية

ولا تحبى ابقى اسئلك الاسئلة دى فى صفحة المطبخ ؟؟

انا قولت هنا احسن عشان البنات اللى بتجهز تستفيد برضه

صباح الخير يا روشانا

اسمحيلي أرد على ما دون تيجي. هو حاليا فيه في السوق نوعين واحد اسباني و واحد برتغالي. البرتغالي احسن و اتقل و له قاعدة ستانلس و طبعا هو أغلى. فيه تقريبا 3 مقاسات مش فاكرة بالظبط بس الشائع 8 او 10 لتر، احنا عندنا في البيت ال 10 لتر و كمان انا اشتريت لنفسي 10 لتر، لاني بأحس ان حجمها انسب للاستخدام. السعر مش فاكراه دلوقت بس ان شاء الله ابقى أسأل اخويا و أقولك لان هو اللي اشتراها. و أعتقد كان جايبها من العتبة بس برضه حاسألك عالمكان بالظبط

صباح الفل يا نودى

اسأليلى كمان لو سمحتى على اسم الماركة

بس انا بسمع على سب وباخشوين مشهورين اوى فى حلة الضغط دى
انا اسمع انهم غاليين بس معرفش بكام بس اسمع انهم بيعيشوا كتير
لكن الماركات التانية ممكن الجلدة بتاعة الغطا بتبوظ بسرعة واوقات مش بيبقى ليها قطع غيار للماركات اللى مش مشهورة

ممكن نعمل تصويت كل البنات اللى عندها او عند مامتها حلة ضغط تقولنا ماركتها ايه وغيرولها الجلدة كام مرة وتمنها فى حدود كام لو شارينها قريب

طبعا يا روشانا السب لا يعلى عليها بس هي فعلا غاليةو اكيد الغالي تمنه فيه. بس انا النوع البرتغالي اللي باقولك عليه ده ممتاز و بييجي معاه قطعة غيار للجلدة دي. و عموما حاسألك و اجيبلك المعلومات ان شاء الله

بنات مصر انا راح اعيط يعني محدش عبرني ورد على سؤالي مع اني دخلت دردشتكم بناء على توصية