صباح الخير يا وحشات

انا زعلانة منكم علشان ما حدش سأل على ياسمينة غير سكرة ونودي وسمسمة

كده برضه وانا اللي كنت متكلة على دعاكم بعد ربنا طيب والله يا حبيبتي الاسهال ما سابها لحد لدوقت كان عندها نزلة الترجيع وقف والحمد لله لكن الاسهال شغال رغم الأدوية

ربنا يعافيها يا رب

سكرة هانم

احبك الله الذي احببتني فيه ان شاء الله نتجمع يوم اتفقي مع نودي وقولوا لي معلش انا اصلي تايهة اليومين دول بسبب ياسمينة سألت عليكي اتلعافية يا رب

هيوم

ازيك انتي عاملة ايه لسة شايفة كلامك دلوقت ، بصي يا هيام ما تستنيش من راجل يكلمك هو خصوصا انه في شغل وبلد بعيدة يعني ممكن التوقيت يكون مش مناسب
انا سامعة حكاية الأوبيسون ورينا حاجة من شغلك بقى وشجعينا

هبة عبد العظيم

يا وحشة انا مش اقدر انساكي لكن انتي مش عبرتيني من ساعة آخر رسالة فاكرة ومش سألتي على ياسمينتي

بس انا مش اقدر على زعلك وعياطك يلا خدي بوسة مني لك، ونزلي صور الكروشيه وحياتك ورينا الشطارة

أمولة

الله يسلمك من كل شر يا رب ان شاء الله تكون امورك اتحسنت دلوقت

روشانا

انا عندي حلة اسباني وكنت جايباها في جهازي ب400 افتكر او 390 مش فاكرة المهم شفت زيها في التوحيد والنور وحمام التلات طبعا هتلاقي فيه كل حاجة لازماكي وانا بصراحة اشجع 10 لتر ان ما كانش اكبر لأنك هتستعمليها في الحاجات الكبيرة مش يومي يعني هتحتاجيها للبط أو للرومي (كلام في سرك احسن دينا تسمعنا وانتي عارفة حالتها في غياب الطيور)

باقي البنات
كلكم صباح الفل وكل واحدة ترد علشان الزهايمر انا قصدي انتم كلكم كل واحدة واحدة

صباح الخير عليكم جميعا وشكرا على كل اللى رد عليا فى موضوع ابنى.. انا باحاول اتعامل معاه بهدووووووووء شديد.. وربنا الهادى.

السلام عليكم جميييييييييييييييييييييييييييييييييييييييعا
نودى وفطومة مرسيييييييييييييي جدااااااااااااااااااااا بس انتوا لخبطونى برتغالى ولا اسبانى وفيه ناس قالولى الالمانى كويس
يعنى سب دى مش بينزل عليها تخفيض عن كده كتير فعلا بس بينى وبينكم ساعات الغالى بيبقى تمنه فية
افكر شوية كده واحتمال ادبس جوزى فى سب وامره لله
بس 10 لتر ده يا بنات ينفعنى فى الحاجات الصغيرة اليومية
انا اصلا ماليش فى البط والوز والكلام الفاضى ده الحاجات الكبيرة دى على ماما او حماتى وانا اكل بس
انا اخرى اطبخ فرخة او كيس لحمة
انا كنت بفكر اشترى حجم صغير وحجم كبير بس كده الواحد هايضطر يشترى حجم واحد بس

فطومة الف سلامة على ياسمينتك
انا بنتى برضه معدتها مش مظبوطة اليومين دول شكه ان عندها فطريات هو كان عندها اصلا من فترة واخدت علاج بس الظاهر رجعتلها تانى ربنا يستر
ولسة من اسبوع كان فيه مشكلة فى الشمع فى ودنها عملها التهاب والحمد لله كويسة دلوقتى
العيال دول كل يوم بحكاية جديدة ربنا يحفظهم ويقوينا عليهم

رونا ايه موضوع ابنك انا ما اخدتش بالى هنا ولا فى موضوع تانى

ام ابيها سلامة ابنتك لازم تعطيها سوئل انا عايزة اعرف عندها كام سنة حولى انك ميكنش عندك \باب فى البيت لانة فظيع فى الصبفوناقل للمرض معلش دبان الزال عندى واقعة فية حاجات توقف الاسهال ويتكون سريعة مثل عصير الجوافة والرمان مطهر للمعدة الموز المهروس جميل جدا هى عندها قد اية وبعدين لازم تكونى على استشارة لطبيب والف سلامة انا اكتر حاجة بتضايقنى لما اطفال يعيو انا الى بتصل بزوجى وهو منفض خالص اتصلت بية من شوية ا الدنيا صعبة على انا والاولاد وبس ابتدى اعراض اكتئاب تبان على امبارح خرجت طول النهار فقررت انى اقعد فى البيت كمان سوف اعاود حفظ القران لان ه\ا هو الوحيد ما يؤنس على وحدتى اليوم طوبل جدا على والمحصلة لا شى بيعدى النهار ولا طبخت ولا صليت ولا تحركت من مكانى اخشى ان يكون دة احباط ياتى بعد ثورة وتمرد على حياة الانسان روحت النادى زهقت خرجت زهقت مش عارفة فية اية غالبا غياب زوجى هو السبب

هيام حاولى تتعرفى على سيدات فى النادي
اشتركى فى رياضة او جيم وصاحبى المجموعة اللى معاكى واتفقوا تيجوا فى مواعيد واحدة النادى
تلعبوا رياضة سوا تقعدوا تشربوا شاى فى الجنينة سوا تتكلموا عن العيال والمواضيع العامة الهوايات
.................................. حاجات كتير قوى مش هقولك على الستات لما يقعدوا يرغوا
(مع ملاحظة تجنب الكلام عن الامور والحياة الشخصية والزوج واخباره, مواضيع عامة والعيال افضل)
او اعملى صداقات مع جيرانك زرويهم الصبح شوية وهما يزروكى شوية اتفقوا تتطبخوا حاجة سوى
او كل واحد يعمل حاجة ويدوقها للتانى
انتى مالكيش قرايب او اخوات؟؟؟
اتكلمى معاهم اخرجى معاهم اتقابلوا فى النادى
انزلوا اتفرجوا على المحلات سوا

فيه حلول كتير اوى للوحدة اللى انتى معيشة نفسك فيها دى
بس انتى لازم يكون عندك ارادة وعزيمة تخرجى نفسك منها والافكار كتير بس انتى ابتدى
انتى مضايقة عشان عايشة لوحدك حاولى يكون ليكى علاقات بالناس