لولو
ماتشغليش نفسك ولا حاجة بس احتياطى يومين تلاتة كده واعملى تحليل دم اضمن
هيا ام باسل كانت مسافرة؟؟؟؟ انا ما اخدتش بالى

بنات
ازيكم وحشتونى جداااااااا
كلكم كلم من غير اسامى
امل ربنا يعينك يا رب و يوفقك
ام ابيها هى ياسمين بتتشال فى الحضانة على طول؟
اصلى لو هما بيشيلوها يبقى لازم هى تطلب كده كمان فى البيت ؟
اسئلى و شوفى هما بيعملوا ايه و حاولى ما تنشفيش دماغك معاها علشان هى كمان ما تعندش و ما تقوليش ما تفهمش لا بتفهم و عن تجربة
هى بتختبر تصرفاتك انتى حتعملى ايه معاها لما هى تعمل التصرف ده؟بس فى نفس الوقت براحة عليها
روشانا اسغار كارير 1.5 2650 و فى 2550
امريكول مش حلو لانه تبع يونيواير برضه
كرافت ارخص من كارير 2450 من بى تك و ضمان 7 سنين على الكمبرسور
كارير ضمان سنة على الجهاز و 3 على الكمبرسور
انا بقى مشكلتى حاجة تانية خالص
انا عايزة بالتقسيط و الفرق فى الجهاز حيكون حوالى من 600 الى 700 جنيه و فى ناس 1000
مش عارفه اعمل ايه
اصبر لما احوش او اشوف جمعية ادخل فيها
انا عايزة جهازين
للنوم و الليفنج و بينى و بينكم الظروف اليومين دول مش اد كده و الامور بقت صعبة خالص
انا بقول لو ما جبتهوش بالتقسيط او دخلت جمعية مش حجيبه
انا اصلى الامور ملعبكة عندى و بدفع3 اربع مرتب جوزى التزمات
قولولى رايكم
اجيب مروة و خلاص و اخلى التكيف السنة الجاية ولا اجيب تكيف واحد ولا ادبس نفسى فى الاتنين ولا اعمل ايه
ام باسل خليكى معنا و اكتبلنا على طول و عملتى ايه فى موضوع الراجل ده انا بحبك فى الله قوى و الله و بستفيد من كلامك قوى

لؤلؤة
مرسي على الاسعار وكرافت ده شكلة كويس والله وكمان ضمان 7 سنين يبقى حاجة مضمونة
بس السعر ده كام حصان؟؟؟؟ واكيد شباك طبعا ولا ايه
شوفى كده وقوليلى

انا راى تجيبي تكييف واحد كاش وتوفرى ال700 جنيه خسارة
والسنة الجاية ان شاء الله تكونى حوشتى شوية وتجيبي واحد تانى
وهما كلها شهرين تلاتة وبعد كده الجو يتعدل
انا شخصيا كنت مخططة احطة فى اوضة النوم وبما ان فيها تلفزيون ف كنا هانسيب الشقة ونقعد فى اوضه على راى عادل امام على ما ربنا يسهل ونجيب واحد تانى للصالةوهى الحمد لله بحرى وهواها كويس مش محتاجة تكييف اوى
بس انا اصلى اوضة النوم بتاعتى بشعة قبلى ومافيهاش منفذ هوا

وممكن تجيبى تكييف فى اوضة ومروحة لليفينج

ازيك يا لؤلؤة

الصراحة ايوة بيشيلوها على طول وانا بصراحة مش هاستحمل انها تعيط من غير ما يشيلوها وهى مش قدام عيني فهماني، يعني لو معايا وتعيط ماشي انما وانا مش موجودة لأ اعمل ايه بس اديني باحاول على قد ما اقدر والله لحد المرحلة دي ما تعدي مجهود غير عادي والله وقف حال خالص

بالنسبة للتكييف شوفي اللي باقي من مرتبك لو يكفي هاتي اصل القسط هيبقى متين ولا حاجة انا السنة اللي فاتت جبت لغرفة النوم قسط رغم ان كان معايا كاش بس قلت قسط مش هنحس بيه وفعلا السنة دي كلها شهرين ان شاء الله وابقى خلصت منه

روشانا
دا سعر سبليت 1.5 كرافت ممكن تدخلى على السيت http://www.b-tech.com.eg/select_product1.asp?id=104&cat=2&subid=66
انا مش حينفع اجيب كاش الان
ممكن تقسيط بس و هى دى المشكلة
يعنى انت رايك كرافت ولا ايه؟